ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԷԿՈՆՈՄԻԿԱՅԻ ՆԱԽԱՐԱՐ
28 օգոստոսի 2023 թ.
ք. Երևան N 1602-Լ
Հ Ր Ա Մ Ա Ն
ՄՇԱԿԱԲՈՒՅՍԵՐԻ ՍԵՐՄՆԱԴԱՇՏԵՐԻ ԵՎ ՏՆԿԱՐԱՆԱՅԻՆ ՏԱՐԱԾՔՆԵՐԻ ԴԱՇՏԱՅԻՆ ՀԵՏԱԶՈՏՈՒԹՅՈՒՆՆԵՐԻ ՀԱՅՏԻ ՆԵՐԿԱՅԱՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
Ղեկավարվելով «Սերմերի և տնկանյութի մասին» օրենքի 7-րդ հոդվածի 4-րդ մասով՝
հրամայում եմ․
1․ Սահմանել մշակաբույսերի սերմնադաշտերի և տնկարանային տարածքների դաշտային հետազոտությունների հայտի ներկայացման կարգը՝ համաձայն հավելվածի։
2․ Սույն հրամանն ուժի մեջ է մտնում 2023 թվականի հոկտեմբերի 5-ից:
Վ. ՔԵՐՈԲՅԱՆ
Հավելված
ՀՀ էկոնոմիկայի նախարարի
2023 թվականի օգոստոսի 28-ի
N 1602-Լ հրամանի
ԿԱՐԳ
ՄՇԱԿԱԲՈՒՅՍԵՐԻ ՍԵՐՄՆԱԴԱՇՏԵՐԻ ԵՎ ՏՆԿԱՐԱՆԱՅԻՆ ՏԱՐԱԾՔՆԵՐԻ ԴԱՇՏԱՅԻՆ ՀԵՏԱԶՈՏՈՒԹՅՈՒՆՆԵՐԻ ՀԱՅՏԻ ՆԵՐԿԱՅԱՑՄԱՆ
1. Սույն կարգը սահմանում է Հայաստանի Հանրապետությունում մշակաբույսերի սերմնադաշտերի և տնկարանային տարածքների դաշտային հետազոտություններ կատարելու վերաբերյալ սերմ արտադրողի և տնկանյութ արտադրողի կողմից հայտի (այսուհետ՝ հայտ) ներկայացման ընթացակարգը:
2. Հայտը ներկայացվում է սերմնադաշտի ցանքից կամ տնկարանային դաշտի հիմնումից առնվազն մեկ ամիս առաջ՝ Հայաստանի Հանրապետության էկոնոմիկայի նախարարի հրամանով հաստատված սերմնադաշտերի դաշտային հետազոտությունների մասին հայտի ձևին համապատասխան:
3. «Գյուղատնտեսական հետազոտությունների և հավաստագրման կենտրոն» պետական ոչ առևտրային կազմակերպություն (այսուհետ՝ կազմակերպություն) հայտը ներկայացվում է առձեռն, փոստով կամ էլեկտրոնային եղանակով՝ հայտը ներկայացնողի ընտրությամբ: Էլեկտրոնային եղանակով դիմելու դեպքում հայտն անհրաժեշտ է ներկայացնել Հայաստանի Հանրապետության օրենսդրությամբ սահմանված կարգով՝ էլեկտրոնային թվային ստորագրությամբ։
4. Ներկայացված հայտը կազմակերպության կողմից համարակալվում է և գրանցվում գրանցամատյանում՝ նշելով հայտի համարը, հայտատուի անուն, ազգանունը կամ անվանումը, մշակաբույսի տեսակը, սերմնադաշտի մակերեսը և գտնվելու վայրը:
6. Գրանցված և համարակալված հայտի տեղեկություններն օգտագործվում են սերմերի և տնկանյութի հավաստագրման գործընթացում:
7․ Հայտատուի հայեցողությամբ հայտին ընթացք չտալու դեպքում հայտատուն պետք է առձեռն, փոստով կամ էլեկտրոնային եղանակով կազմակերպությանը գրավոր տեղեկացնի դրա մասին։
8․ Կազմակերպության կողմից հայտը կարող է մերժվել Հայաստանի Հանրապետության կառավարության կողմից սահմանված կարգի համաձայն սերմերի և տնկանյութի հավաստագրման գործընթացի մերժման դեպքերում։