ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
«27» դեկտեմբեր 2023 թ. N 6349-Ա
Հ Ր Ա Մ Ա Ն
ԼԻԱՆՆԱ ՍՄԵԼՈՎԱ ԱՆՀԱՏ ՁԵՌՆԱՐԿԱՏԻՐՈՋԸ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ 2022 ԹՎԱԿԱՆԻ ՄԱՅԻՍԻ 3-ԻՆ ՏՐՎԱԾ N Ա-ԲՕ-001334 ԼԻՑԵՆԶԻԱՅՈՎ ՆԱԽԱՏԵՍՎԱԾ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԱՐՏԱՀԻՎԱՆԴԱՆՈՑԱՅԻՆ` ՎԵՐԱԿԱՆԳՆՈՂԱԿԱՆ` ԲՈՒԺԱԿԱՆ ՄԵՐՍՈՒՄ ՏԵՍԱԿՈՎ ՕՏԱՐԵՐԿՐՅԱ ԱՇԽԱՏԱԿԻՑՆԵՐԻ ԳՈՐԾՈՒՆԵՈՒԹՅՈՒՆԸ ԿԱՍԵՑՆԵԼՈՒ ՄԱՍԻՆ
Հիմք ընդունելով «Լիցենզավորման մասին» օրենքի 8-րդ հոդվածի 5-րդ մասը, 9-րդ հոդվածի 1-ին մասը, 12-րդ հոդվածի 1-ին մասը, 36-րդ հոդվածի 1-ին մասի 8-րդ կետը և 8-րդ մասը, Առողջապահության նախարարության լիցենզավորման հանձնաժողովի եզրակացությունը, Հայաստանի Հանրապետության առողջապահական և աշխատանքի տեսչական մարմնի (այսուհետ` Տեսչական մարմին) ղեկավարի 2023 թվականի դեկտեմբերի 4-ի կասեցման միջնորդագիրը, ըստ որի, Տեսչական մարմնի ղեկավարի 2023 թվականի մայիսի 8-ի N թիվ ՎՎ-1203-Ա հրամանի հիման վրա հարուցված վարչական վարույթի արդյունքում արձանագրված խախտումները վերացնելու նպատակով անհատ ձեռնարկատեր ԼԻԱՆՆԱ ՍՄԵԼՈՎԱՅԻՆ 2023 թվականի հունիսի 6-ին տրվել է N 0221 կարգադրագիր` բժշկական օգնության և սպասարկման արտահիվանդանոցային բուժական մերսման կաբինետի օտարերկրացի (Ուկրաինայի Հանրապետություն) ավագ և միջին բուժաշխատողների համար ապահովել՝ Առողջապահության նախարարի կողմից օտարերկրյա բուժաշխատողներին տրամադրված մասնագիտական կարճաժամկետ գործունեության թույլտվությունները, որի ընթացքում արձանագրվել է առկա լիցենզավորման ոլորտը կանոնակարգող ՀՀ օրենսդրության պահանջների խախտում, այն է` անհատ ձեռնարկատեր Լիաննա Սմելովայի կողմից մինչ օրս, առանց Առողջապահության նախարարի կողմից օտարերկրյա բուժաշխատողներին տրամադրված մասնագիտական կարճաժամկետ գործունեության թույլտվությունների, իրականացվում է բժշկական օգնության և սպասարկման արտահիվանդանոցային` վերականգնողական՝ բուժական մերսում տեսակը.
Հրամայում եմ`
1. Կասեցնել ԼԻԱՆՆԱ ՍՄԵԼՈՎԱ անհատ ձեռնարկատիրոջը Առողջապահության նախարարության կողմից 2022 թվականի մայիսի 3-ին տրված բժշկական օգնության և սպասարկման N Ա-ԲՕ-001334 լիցենզիայով նախատեսված արտահիվանդանոցային` վերականգնողական` բուժական մերսում` օտարերկրյա բուժաշխատողների գործունեությունը` մինչև խախտման պատճառի վերացումը:
2. Առողջապահության նախարարության լիցենզավորման գործակալության պետ Վահե Ալեքսանյանին`
1) ապահովել գործունեության կասեցման մասին տեղեկությունների գրանցումը համապատասխան գրանցամատյանում,
2) եռօրյա ժամկետում ապահովել սույն հրամանի առաքումը գերատեսչական նորմատիվ իրավական ակտերը հրապարակող մարմին և Պետական եկամուտների կոմիտե:
3. Առողջապահության նախարարության քարտուղարության պետ Աստղիկ Առաքելյանին` եռօրյա ժամկետում ապահովել սույն հրամանի առաքումը ԼԻԱՆՆԱ ՍՄԵԼՈՎԱ անհատ ձեռնարկատիրոջը:
4. Սույն հրամանն ուժի մեջ է մտնում ԼԻԱՆՆԱ ՍՄԵԼՈՎԱ անհատ ձեռնարկատիրոջն իրազեկելու օրվան հաջորդող օրվանից:
5. Սույն հրամանը կարող է բողոքարկվել Առողջապահության նախարարություն, ինչպես նաև Վարչական դատավարության օրենսգրքի 219-րդ հոդվածի 1-ին մասի համաձայն վարչական դատարան՝ վարչական ակտը ստանալուց հետո՝ տասնհինգօրյա ժամկետում:
Ա. Ավանեսյան