ՀՀ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆ ՀՐԱՄԱՆԸ ԷՔՍՏԵՌՆ ՓՈԽԱԴՐԱԿԱՆ ԵՎ ԱՎԱՐՏԱԿԱՆ ՔՆՆՈՒԹՅՈՒՆՆԵՐԻ ԿԱԶՄԱԿԵՐՊԵԼՈՒ ԿԱՐԳԻ ՄԻ ՔԱՆԻ ԵՆԹԱԿԵՏԵՐԻ ԿԱՍԵՑՄԱՆ ՄԱՍԻՆ

110.0556-Մ.21.12.01

«Գրանցված է»

ՀՀ արդարադատության

նախարարության կողմից

26 դեկտեմբերի 2001 թ.

Պետական գրանցման թիվ 11001192

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅՈՒՆ

21 դեկտեմբերի 2001 թ.

ք. Երևան N 556-Մ

Հ Ր Ա Մ Ա Ն

ԷՔՍՏԵՌՆ ՓՈԽԱԴՐԱԿԱՆ ԵՎ ԱՎԱՐՏԱԿԱՆ ՔՆՆՈՒԹՅՈՒՆՆԵՐԻ ԿԱԶՄԱԿԵՐՊԵԼՈՒ ԿԱՐԳԻ ՄԻ ՔԱՆԻ ԵՆԹԱԿԵՏԵՐԻ ԿԱՍԵՑՄԱՆ ՄԱՍԻՆ

Հրամայում եմ

1. Կասեցնել ՀՀ կրթության և գիտության նախարարի 17.01.2000 թ. հմ. 08-Մ հրամանով հաստատված «Էքստեռն փոխադրական և ավարտական քննություններ կազմակերպելու» կարգի 4-րդ, 5.1-ին, 5.2-րդ, 5.3-րդ, 5.4-րդ ենթակետերում 9-րդ դասարանցիներին վերաբերող հատվածների կիրարկումը` մինչև նրանց հետ տարվող հարցազրույցի չափորոշիչների մշակումը և հաստատումը:

2. Նախարարության միջնակարգ կրթության և իրավաբանական վարչություններին (պետ` Ն. Ղուկասյան, Վ. Սարգսյան).

սույն հրամանը սահմանված կարգով պետական գրանցման ներկայացնել ՀՀ արդարադատության նախարարություն:

3. Նախարարության Կրթական բարեփոխումների կենտրոնին (տնօրեն` Վ. Մարտիրոսյան).

մշակել 9-րդ դասարանցիների հետ տարվող հարցազրույցի չափորոշիչները և ներկայացնել նախարարի հաստատմանը:

4. Սույն հրամանը ուժի մեջ է մտնում պետական գրանցման պահից:

Նախարար Լ. Մկրտչյան