ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
05 դեկտեմբեր 2023 թ. N 65-Ն
Հ Ր Ա Մ Ա Ն
«ԱՐՏԱԴՐԱԿԱՆ ՎՆԱՍՎԱԾՔՆԵՐԻ ՀԱՇՎԱՌՄԱՆՆ ՈՒ ՀԱՂՈՐԴՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐ» ՍԿ N 3.1.1-003-23 ՍԱՆԻՏԱՐԱԿԱՆ ԿԱՆՈՆՆԵՐԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Հայաստանի Հանրապետության բնակչության սանիտարահամաճարակային անվտանգության ապահովման մասին» օրենքի 6-րդ հոդվածի 1-ին մասի 3-րդ կետը`
ՀՐԱՄԱՅՈՒՄ ԵՄ`
1. Հաստատել՝ «Արտադրական վնասվածքների հաշվառմանն ու հաղորդմանը ներկայացվող պահանջներ» ՍԿ N 3.1.1-002-23 սանիտարական կանոնները՝ համաձայն հավելվածի:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասնհինգերորդ օրը:
Պարտականությունները կատարող` Լ. Նանուշյան
Հավելված
Հայաստանի Հանրապետության
առողջապահության նախարարի
2023 թվականի դեկտեմբեր «05»-ի
թիվ 65-Ն հրամանի
«ԱՐՏԱԴՐԱԿԱՆ ՎՆԱՍՎԱԾՔՆԵՐԻ ՀԱՇՎԱՌՄԱՆՆ ՈՒ ՀԱՂՈՐԴՄԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐ» ՍԿ N 3.1.1-001-23 ՍԱՆԻՏԱՐԱԿԱՆ ԿԱՆՈՆՆԵՐ
1. ԸՆԴՀԱՆՈՒՐ ԴՐՈՒՅԹՆԵՐ ԵՎ ԿԻՐԱՌՄԱՆ ՈԼՈՐՏ
1. Սույն սանիտարական կանոնները նախատեսված են Հայաստանի Հանրապետության տարածքում գործող բոլոր բժշկական օգնություն և սպասարկում իրականացնող կազմակերպությունների այսուհետ՝ բժշկական կազմակերպություն համար, որոնք իրականացնում են արտադրական վնասվածքների դեպքերի հայտնաբերումը և հաղորդումը:
2. Սույն սանիտարական կանոններով սահմանվում են արտադրական վնասվածքների դեպքերի հաղորդմանը, հաշվառմանը ներկայացվող պահանջները:
2. ԱՐՏԱԴՐԱԿԱՆ ՎՆԱՍՎԱԾՔՆԵՐԻ ՀԱՂՈՐԴՈՒՄ
3. Արտադրական վնասվածքը՝ աշխատանքի վայրում աշխատանքային ժամերին աշխատանքային պարտականությունները կատարելու ընթացքում արտաքին ներգործության հետևանքով առաջացած մարդու օրգանի և (կամ) հյուսվածքի անատոմիական ամբողջականության և (կամ) ֆունկցիայի խախտումն է:
4. Արտադրական վնասվածքները դասակարգվում են՝ համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 871-Ն հրամանում նշված հիվանդությունների միջազգային 10-րդ դասակարգման (այսուհետ՝ ՀՄԴ-10):
5. Արտադրական վնասվածքների դեպքեր հայտնաբերած բժշկական կազմակերպության ավագ և միջին բուժաշխատողը դրանց մասին շտապ հաղորդում է Առողջապահության նախարարության «Հիվանդությունների վերահսկման և կանխարգելման ազգային կենտրոն» պետական ոչ առևտրային կազմակերպություն (այսուհետ` Ազգային կենտրոն)՝ անմիջապես էլեկտրոնային ձևաչափով կամ հեռախոսով, այնուհետև 24 ժամվա ընթացքում տեղեկություն է ներկայացնում արտադրական վնասվածքի դեպքի մասին շտապ հաղորդման քարտի ձևաչափով՝ համաձայն սույն սանիտարական կանոնների Ձև 1-ի:
6. Հաղորդման ենթակա արտադրական վնասվածքների ցանկը ներկայացված է աղյուսակ 1-ում:
Աղյուսակ 1
Հիվանդության կոդ՝ ըստ ՀՄԴ-10 Հիվանդություններ
S00-S09 Գլխի վնասվածքներ,
S10–S19 Պարանոցի վնասվածքներ,
S20–S29 Կրծքավանդակի վնասվածքներ,
S30–S39 Որովայնի, մեջքի ստորին մասի, ողնաշարի գոտկային հատվածի և կոնքի վնասվածքներ,
S40–S49 Ուսագոտու և բազկի վնասվածքներ,
S50–S99 Արմունկի և նախաբազկի վնասվածքներ,
S60–S69 Դաստակի և նախադաստակի վնասվածքներ,
S70–S79 Կոնքազդրային հոդի և ազդրի վնասվածքներ,
S80–S89 Ծնկի և սրունքի վնասվածքներ,
S90–S99 Սրունք-թաթային հոդի և ոտնաթաթի վնասվածքներ,
T00–T07 Մարմնի մի քանի (բազմակի) շրջանների վնասվածքներ,
T08–T14 Իրանի, վերջույթի չճշտված մասի կամ մարմնի չճշտված շրջանի վնասվածքներ,
T15–T19 Բնական անցքերով օտար մարմնի ներթափանցման հետևանքներ,
T20–T32 Ջերմային և քիմիական այրվածքներ,
T20–T25 Մարմնի արտաքին մակերեսի ճշտված տեղամասի ջերմային և քիմիական այրվածքներ,
T26–T28 Աչքի և ներքին օրգանների ջերմային և քիմիական այրվածքներ,
T29–T32 Մարմնի բազմակի և ճշտված շրջանների ջերմային և քիմիական այրվածքներ,
T33–T35 Ցրտահարություն,
T36–T50 Թունավորում դեղամիջոցից, դեղորայքից և կենսաբանական նյութերից,
T51–T65 Առավելապես ոչ բժշկական նշանակությամբ նյութերի թունավոր ազդեցություն,
T66–T78 Արտաքին պատճառների ազդեցության այլ և չճշտված հետևանքներ,
T79–T79 Վնասվածքի որոշ վաղ բարդություններ,
T80–T88 Վիրաբուժական և թերապևտիկ միջամտությունների բարդություններ` այլ դասերում չդասակարգված,
T90–T98 Վնասվածքների, թունավորումների և արտաքին այլ պատճառների ազդեցության հետևանքներ:
7. Եթե սույն սանիտարական կանոններով սահմանված հիվանդության դեպքերը արձանագրվել են տնտեսվարող սուբյեկտներում, ապա Ազգային կենտրոնը տնտեսվարող սուբյեկտի անվանման, արձանագրված հիվանդության դեպքերի քանակի և ախտորոշման մասին տեղեկությունը մինչև հիվանդության դեպքի հաղորդման օրվա ավարտը հայտնում է Հայաստանի Հանրապետության առողջապահական և աշխատանքի տեսչական մարմին:
3. ԱՐՏԱԴՐԱԿԱՆ ՎՆԱՍՎԱԾՔՆԵՐԻ ՀԱՇՎԱՌՈՒՄ
8. Բժշկական կազմակերպության կողմից կատարվում է արտադրական վնասվածքների դեպքերի հաշվառում՝ ներկայացված տվյալների հիման վրա:
9. Արտադրական վնասվածքների վերաբերյալ տվյալները գրանցվում են արտադրական վնասվածքի դեպքի հաշվառման մատյանում՝ համաձայն սույն սանիտարական կանոնների Ձև 2-ի:
10. Արտադրական վնասվածքների համաճարակաբանական դիտարկման մեթոդական ուղեցույցը սահմանվում է առողջապահության բնագավառում պետական կառավարման լիազոր մարմնի կողմից:
(10-րդ կետը լրաց. 29.03.24 N 98-Ն)
Ձև 1
ՔԱՐՏ
ԱՐՏԱԴՐԱԿԱՆ ՎՆԱՍՎԱԾՔԻ ԴԵՊՔԻ ՄԱՍԻՆ ՇՏԱՊ ՀԱՂՈՐԴՄԱՆ
1. Տուժածի անունը, ազգանունը, հայրանունը
___________________________________________________________________________
2. Տարիքը _________________________________________________________________
3. Սեռը □ արական □ իգական
4. Բնակության վայրը _______________________________________________________
__________________________________________________________________________
5. Հեռախոսի համարը ______________________________________________________
6. Աշխատանքի վայրը
Կազմակերպություն ________________________________________________________
Պաշտոն __________________________________________________________________
7. Ախտորոշում ____________________________________________________________
____________________________________________________ ՀՄԴ-10 կոդը _________
8. Ժամկետներ՝
1) վնասվածքը ստացել է ____.____._______ թ. ժամը _____:_____
2) ախտորոշվել է ____.____._______
3) հոսպիտալացվել է (նշել հոսպիտալացման վայրը) ____________________________
9. Վնասվածքի տեսակը ըստ վնասվածքի բնույթի
□ կոտրվածք □ ձգում, լարում կամ հոդախախտ □ կտրվածք կամ այլ բաց վերք □ սալջարդ կամ մակերեսային վնասվածք □ այրվածք □ ցնցում □ հարված □ կծվածք □ ցրտահարություն □ էլեկտրահարում □ այլ (նշել) __________
_______________________________________________________________________________
___________________________________________________________________ □ անհայտ
10. Ելքը ____________________________________________________________________
11. Հաղորդումը ուղարկողի անունը, ազգանունը ________________________________
Ձև 2
ՄԱՏՅԱՆ
ԱՐՏԱԴՐԱԿԱՆ ՎՆԱՍՎԱԾՔՆԵՐԻ ԴԵՊՔԵՐԻ ՀԱՇՎԱՌՄԱՆ
Բժշկական կազմակերպության անվանում ___________________________________________________
Սկսված է _____.20____ թ. Ավարտված է _____.20____ թ.
N Ամսաթիվ Տուժած Ամսաթիվ Ախտո-րոշում Հոսպիտալացում Առաջ-նային շտապ հաղորդ-ման ամսաթիվ Ծանոթու-թյուններ
Ազգա-նուն Անուն Հայրա-նուն Տարիքը Բնակու-թյան վայր Հեռա-խոսի համար Աշխա-տանքի վայր Պաշ-տոն Վնասվածքի ստացման Առաջին անգամ դիմելու Ախտորոշ-ման հաստատ-ման ամսա-թիվ Հոսպի-տալաց-ման տեղ
1 2 3 4 5 6 7 8 9 10 11 12 13 14 15 16 17 18
(հավելվածը լրաց. 29.03.24 N 98-Ն)
Պաշտոնական հրապարակման օրը՝ 20 դեկտեմբերի 2023 թվական: