ՀՀ ՄՇԱԿՈՒՅԹԻ ԵՎ ԵՐԻՏԱՍԱՐԴՈՒԹՅԱՆ… (2005) — ՀՀ օրենսդրություն

ամբողջ փաստաթուղթըգործող խմբագրությունԲացել ARLIS-ում

«Գրանցված է»

ՀՀ արդարադատության

նախարարության կողմից

21 փետրվարի 2005 թ.

Պետական գրանցման թիվ 11105109

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՄՇԱԿՈՒՅԹԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐ

14 փետրվարի 2005 թ.

ք. Երևան N 104-Ն

Հ Ր Ա Մ Ա Ն

«ԱՐՄԵՆՊՐԵՍ» ՓԲԸ-ԻՆ ՊԵՏԱԿԱՆ ԲՅՈՒՋԵԻ ՄԻՋՈՑՆԵՐԻ ՀԱՇՎԻՆ ՏԵՂԵԿԱՏՎՈՒԹՅԱՆ ՁԵՌՔԲԵՐՄԱՆ, ՊԱՀՊԱՆՄԱՆ ԵՎ ԱՐԽԻՎԱՑՄԱՆ ՆՊԱՏԱԿՈՎ ՀԱՏԿԱՑՎՈՂ ՍՈՒԲՍԻԴԻԱՅԻ ՀԱՇՎԱՐԿՄԱՆ ԿԱՐԳԵՐԸ ՀԱՍՏԱՏԵԼՈՒ ՄԱՍԻՆ

Ի կատարումն ՀՀ կառավարության 2003թ. դեկտեմբերի 24-ի «Հայաստանի Հանրապետության պետական բյուջեից իրավաբանական անձանց սուբսիդիաների և դրամաշնորհների հատկացման կարգը հաստատելու մասին» N 1937-Ն որոշման 6-րդ կետի պահանջի՝

ՀՐԱՄԱՅՈՒՄ ԵՄ՝

1. Հաստատել՝

ա/ «Արմենպրես» ՓԲԸ-ին պետական բյուջեի միջոցների հաշվին տեղեկատվության ձեռքբերման նպատակով հատկացվող սուբսիդիայի հաշվարկման կարգը՝ համաձայն հավելված N 1-ի.

բ/ «Արմենպրես» ՓԲԸ-ին պետական բյուջեի միջոցների հաշվին տեղեկատվության պահպանման և արխիվացման նպատակով պետական բյուջեի միջոցների հաշվին հատկացվող սուբսիդիայի հաշվարկման կարգը՝ համաձայն հավելված N 2-ի:

2. ՀՀ մշակույթի և երիտասարդության հարցերի նախարարության աշխատակազմի ֆինանսատնտեսագիտական և հաշվապահական հաշվառման վարչությանը և քարտուղարությանը՝

սույն հրամանն ուղարկել ՀՀ արդարադատության նախարարություն՝ սահմանված կարգով գրանցելու որպես գերատեսչական նորմատիվային ակտ:

3. Սույն հրամանի կատարման հսկողությունը վերապահել ՀՀ մշակույթի և երիտասարդության հարցերի նախարարին:

Նախարար` Հ. Հովեյան

Հավելված N 1

ՀՀ մշակույթի և երիտասարդության

հարցերի նախարարի

2005թ. փետրվարի 14-ի

N 104-Ն հրամանի

Կ Ա Ր Գ

«Արմենպրես» ՓԲԸ-ին պետական բյուջեի միջոցների հաշվին տեղեկատվության ձեռքբերման նպատակով հատկացվող սուբսիդիայի հաշվարկման

«Արմենպրես» ՓԲԸ-ի ֆինանսական միջոցները գոյանում են ի հաշիվ`

ա) պետական բյուջեի միջոցների հաշվին հատկացվող սուբսիդիայի,

բ) տեղեկատվության իրացումից ստացվող միջոցների,

գ) այլ միջոցների:

1. «Արմենպրես» ՓԲԸ-ին պետական բյուջեի միջոցների հաշվին հատկացվող սուբսիդիան պետք է ապահովի ՓԲԸ-ի կանոնադրական գործունեության իրականացումը:

2. «Արմենպրես» ՓԲԸ-ին հատկացվող սուբսիդիայի հաշվարկման հիմքում դրված են.

ա) աշխատողների աշխատանքի վարձատրության վճարները.

բ) պարտադիր սոցապահովագրության վճարները.

գ) գրասենյակային ապրանքների և նյութերի ձեռքբերման ծախսերը.

դ) էլեկտրաէներգիայի ծախսերը.

ե) ջրմուղ-կոյուղու ծախսերը.

զ) կապի ծառայությունների վճարները.

է) կոմունալ ծախսերը (աղբահանություն և այլն).

ը) տարածքի սպասարկման ծախսերը.

թ) գործուղման ծախսերը.

ժ) տրանսպորտային (սեփական տրանսպորտի պահպանում) ծախսերը.

ժա) հիմնական միջոցների նորոգման ծախսերը.

ժբ) գույքի և սարքավորումների ձեռքբերման ծախսերը.

ժգ) հարկերը, տուրքերը.

ժդ) ՓԲԸ-ի գործունեության հետ կապված այլ ծախսերը:

Աշխատավարձի նորմատիվային ծախսերը հաշվարկվում են՝ ելնելով վերջին երեք տարիների միջին ցուցակային թվաքանակից և ձևավորված միջին դրույքաչափից:

Էլեկտրաէներգիայի, վառելիքի, կոմունալ սպասարկման, գործուղման և այլ ծախսերը որոշվում են նախորդ տարիների փաստացի ցուցանիշների, գործող սակագների և պայմանագրային հիմունքներով իրականացվող ծառայությունների գների համաձայն:

3. ՓԲԸ-ին հատկացվող սուբսիդիայի նորմատիվային չափը կարող է վերանայվել ՓԲԸ-ի գործունեության պայմանների էական փոփոխությունների դեպքում:

4. Տրամադրվող սուբսիդիայի առավելագույն չափը հաշվարկվում է հետևյալ բանաձևով.

Ս=(ՏՆՇԳ x ՏՔ)-ԾԳ, որտեղ`

Ս-ն սուբսիդիայի առավելագույն չափն է,

ՏՆՇԳ -ն մեկ միավոր տեղեկատվության (մեգաբայթ) նվազագույն շահավետ գինն է,

ՏՔ -ն տեղեկատվության քանակն է,

ԾԳ-ն տեղեկատվության իրացումից ստացված միջոցներն են:

Մեկ միավոր տեղեկատվության նվազագույն շահավետ գինը որոշվում է հետևյալ բանաձևով.

, որտեղ`

∑Ծ-ն 2-րդ կետում բերված ծախսերի հանրագումարն է:

Հավելված N 2