ՀՀ ՓՈԽՎԱՐՉԱՊԵՏԻ ՈՐՈՇՈՒՄԸ «ՎԱՉԷ… (2024) — ՀՀ օրենսդրություն

ամբողջ փաստաթուղթըգործող խմբագրությունԲացել ARLIS-ում

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 21-Ա

«ՎԱՉԷ ԵՎ ԹԱՄԱՐ ՄԱՆՈՒԿԵԱՆ ԲԱՐԵԳՈՐԾԱԿԱՆ ՄԻՈՒԹՅՈՒՆ» ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ «ՎԱՉԷ ԵՎ ԹԱՄԱՐ ՄԱՆՈՒԿԵԱՆ» ՄԱՏԵՆԱԴԱՐԱՆՈՒՄ ՀՐԴԵՀԱՇԻՋՄԱՆ ՀԱՄԱԿԱՐԳԻ ՆԵՐԴՐՈՒՄ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Վաչէ և Թամար Մանուկեան բարեգործական միություն» հասարակական կազմակերպության կողմից իրականացվող՝ 45,561,250 դրամ ընդհանուր արժողությամբ «Վաչէ և Թամար Մանուկեան» մատենադարանում հրդեհաշիջման համակարգի ներդրում» ծրագիրը՝ համաձայն հավելվածի:

2. Սահմանել, որ «Վաչէ և Թամար Մանուկեան բարեգործական միություն» հասարակական կազմակերպության կողմից (ՀՎՀՀ՝ 00046807) «Գրիման» ՍՊԸ-ի հետ (ՀՎՀՀ՝ 02230486) 2023 թվականի դեկտեմբերի 20-ին կնքված պայմանագրում նշված գործարքը, որով նախատեսվում է հրդեհաշիջման համակարգի նախագծման, մատակարարման, տեղակայման և կարգաբերման աշխատանքների իրականացում՝ 26,919,250 դրամի չափով, առանց ավելացված արժեքի հարկի, անմիջականորեն կապված է սույն որոշման 1-ին կետում նշված ծրագրի իրականացման հետ և դրա համար ունի զգալի նշանակություն:

3. «Վաչէ և Թամար Մանուկեան բարեգործական միություն» հասարակական կազմակերպությանը՝ մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:

Հայաստանի Հանրապետության

փոխվարչապետ Տ. Խաչատրյան

Երևան

15.01.2024

ՀԱՎԱՍՏՎԱԾ Է

ԷԼԵԿՏՐՈՆԱՅԻՆ

ՍՏՈՐԱԳՐՈՒԹՅԱՄԲ

Հավելված

ՀՀ փոխվարչապետի

N 21-Ա որոշման

ԾՐԱԳԻՐ

«ՎԱՉԷ ԵՎ ԹԱՄԱՐ ՄԱՆՈՒԿԵԱՆ» ՄԱՏԵՆԱԴԱՐԱՆՈՒՄ ՀՐԴԵՀԱՇԻՋՄԱՆ ՀԱՄԱԿԱՐԳԻ ՆԵՐԴՐՈՒՄ

1․ Ծրագրի նպատակը Մայր Աթոռ Սբ․ Էջմիածնի «Վաչէ և Թամար Մանուկեան» մատենադարանի գրապահոցներում և էլեկտրասնուցման սենյակում ժամանակակից գազային հրդեհաշիջման համակարգերի նախագծում, մատակարարում, տեղակայում և կարգաբերում։

2․ Ծրագրի բարեգործական

որակման նպատակը Օրենքով սահմանված կարգով օգտվել ՀՀ հարկերի, տուրքերի և պարտադիր վճարների գծով արտոնություններից։

3․ Բարեգործը Տեր եւ Տիկին Վաչէ և Թամար Մանուկեաններ

4․ Ծրագիրը կատարողը «Վաչէ և Թամար Մանուկեան» բարեգործական միությունը (ՀՎՀՀ՝ 00046807, հասցեն՝ քաղ․Երևան, Բաղրամյան պող․ 9,

բն 2 )

5․ Ծրագրի իրականացման վայրը և

բնագավառը Հայաստանի Հանրապետություն, քաղ. Էջմիածին, մշակութային

6․ Ծրագրի բյուջեն 45,561,250 դրամ

7․ Բարեգործություն ստացողը Մայր Աթոռ Սբ․ Էջմիածնի «Վաչէ և Թամար Մանուկեան» մատենադարանը, դրա բաժանորդները և գրադարանային ֆոնդի արժեքներից օգտվողները։

8․ Ծրագրի իրականացման

տևողությունը 2024 թվականի հունվարի 31-ից մինչեւ 2024 թվականի օգոստոսի 31-ը

9․ Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը Մայր Աթոռ Սուրբ Էջմիածնի «Վաչէ և Թամար Մանուկեան» մատենադարանի նկուղային հարկի գրապահոցներում նախագծել, մատակարարել, տեղակայել և կարգաբերել գազային հրդեհաշիջման ժամանակակից համակարգ։

Նախատեսված է իրականացնել 2024 թվականի հունվարի 31-ից մինչև 2024 թվականի օգոստոսի 31-ն ընկած ժամանակահատվածում՝ 45,561,250 դրամի չափով։

10․ Ձեռք բերվող (ներմուծվող)

ապրանքների ու

ծառայությունների համառոտ

նկարագիրը, ծավալները և

նախատեսվող գինը 1. Հրդեհաշիջման համակարգի սարքավորումների և նյութերի ձեռքբերում ու ներմուծում՝ 18,642,000 դրամ,

2. Հայաստանյան շուկայից հրդեհաշիջման համակարգի սարքավորումների ու նյութերի ձեռքբերում, համակարգերի նախագծում, տեղակայում և կարգաբերում՝ 26,919,250 դրամ։

11․ Ծրագրի իրականացման հետ կապված կազմակերպական

ծախսերը Ծրագրի իրականացման համար կազմակերպական ծախսեր չեն նախատեսվում:

12․ Համագործակցությունը պետական կառավարման, տեղական ինքնակառավարման մարմինների

և այլ մարմինների հետ Էջմիածնի համայնքապետարան, Մայր Աթոռ Սուրբ Էջմիածին

13․ Ծրագրի արդյունավետության նկատմամբ վերահսկողության մեխանիզմների նկարագրությունը Ֆինանսական և նկարագրային հաշվետվությունները ներկայացնում է «Վաչէ և Թամար Մանուկեան» բարեգործական միությունը:

Համակարգի համապատասխանությունը ՀՀ գործող շինարարական նորմերին՝ ՀՀ քաղաքաշինության, տեխնիկական և հրդեհային անվտանգության տեսչության եզրակացությամբ:

ՀՀ կառավարության 2003 թ. հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով:

(հավելվածը փոփ. 20.06.24 N 422-Ա)