ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ
Հ Ր Ա Մ Ա Ն
27 հուլիսի 2000 թ.
ք. Երևան N 172
«ՎԻՃԱԿԱԽԱՂԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԿԻՐԱՐԿՈՒՄՆ ԱՊԱՀՈՎԵԼՈՒ ՄԱՍԻՆ
«ՎԻՃԱԿԱԽԱՂԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԿԻՐԱՐԿՈՒՄՆ ԱՊԱՀՈՎԵԼՈՒ Նպատակով`
ՀՐԱՄԱՅՈՒՄ ԵՄ`
1. Սահմանել, որ վիճակախաղի տոմսերը պետք է պարունակեն հետևյալ վավերապայմանները`
ա) վիճակախաղի կազմակերպչի ֆիրմային անվանումը.
բ) վիճակախաղի անվանումը.
գ) վիճակախաղի տոմսի գինը.
դ) վիճակախաղի տոմսի հերթական համարը և սերիան.
ե) շահումը որոշելու կարգը.
զ) շահումների վճարման վայրը, կարգը և ժամկետը.
է) թողարկման կամ խաղարկության հերթական համարը.
ը) խաղարկությունով վիճակախաղերի դեպքում խաղարկության անցկացման վայրը:
2. Հաստատել`
ա) վիճակախաղերի կազմակերպման և անցկացման գործունեության լիցենզիա ստանալու դիմումի ձևը (կցվում է).
բ) վիճակախաղերի կազմակերպման և անցկացման գործունեության լիցենզիայի ձևը (կցվում է).
գ) վիճակախաղերի կազմակերպման և անցկացման գործունեության լիցենզիաների գրանցամատյանի ձևը (կցվում է).
դ) վիճակախաղերի կազմակերպման և անցկացման գործունեության վերաբերյալ տեղեկությունների (հաշվետվությունների) ներկայացման կարգը (կցվում է):
Հայաստանի Հանրապետության
ֆինանսների և էկոնոմիկայի
նախարար Լ. Բարխուդարյան
Հաստատված է
ՀՀ ֆինանսների և էկոնոմիկայի
նախարարի 2000 թ. հուլիսի 27-ի
N 172 հրամանով
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ
ՆԱԽԱՐԱՐՈՒԹՅՈՒՆ
Դ Ի Մ ՈՒ Մ
ՎԻՃԱԿԱԽԱՂԵՐԻ ԿԱԶՄԱԿԵՐՊՄԱՆ ԵՎ ԱՆՑԿԱՑՄԱՆ ԼԻՑԵՆԶԻԱ ՍՏԱՆԱԼՈՒ ՀԱՄԱՐ
դիմողի անվանումը ___________________________
կազմակերպական-իրավական տեսակը ___________________________
վիճակախաղի անվանումը ___________________________
վիճակախաղի տեսակը ___________________________
գտնվելու վայրը ___________________________
իրավաբանական հասցեն ___________________________
հեռ.` ___________________________
Դիմումին կից ներկայացնում եմ`
դիմողի կանոնադրության և պետական գրանցման վկայականի պատճենները □
դիմողի կառավարման բարձրագույն մարմնի որոշումը տվյալ վիճակախաղի կազմակերպման և անցկացման վերաբերյալ □
իրային շահումների դեպքում` պայմանագիր մատակարարի հետ կամ իրային շահումների առկայության վերաբերյալ տեղեկանք, ըստ քանակի, տեսակի և արժեքի □
վիճակախաղի կազմակերպման և անցկացման կանոնակարգը (երկու օրինակից) □
վիճակախաղի տոմսերը պատրաստող կազմակերպության տեղեկանքը` պաշտպանվածության աստիճաններով տոմսերի պատրաստման վերաբերյալ □
վիճակախաղի տոմսի նմուշի աշխատանքային օրինակը □
վիճակախաղի կազմակերպման համար դիմողի վերջին հաշվետու ժամանակաշրջանի օրենքով սահմանված հաշվապահական հաշվետվությունը □
Սույնով հայտնում եմ նաև, որ «Վիճակախաղերի մասին» Հայաստանի Հանրապետության
օրենքի 15 հոդվածի 5-րդ կետի պահանջը խախտված չէ:
Ներկայացված փաստաթղթերը և տվյալները ճիշտ են,
որի համար ստորագրում եմ` __________________
(ստորագրություն)
_____ _______________ 2000 թ. __________________
(պաշտոնը)
Հաստատված է
ՀՀ ֆինանսների և էկոնոմիկայի
նախարարի 2000 թ. հուլիսի 27-ի
N 172 հրամանով
ՏՐՎԱԾ Է
հայաստանի հանրապետության
ֆինանսների և էկոնոմիկայի նախարարի
200 __ թվականի _____ -Ի ___ -Ի
N __ հրամանով
հայաստանի հանրապետության
ֆինանսների և էկոնոմիկայի
նախարարի տեղակալ
________
Գրանցման համարը ____________________ ՎԽ Կազմակերպության անվանումը_______________
Կազմակերպության հասցեն__________________
Տրված է ____________________ -ը -ի 200 թ.
Գործողության ժամկետը ___________________ անժամկետ
Հաստատված է
ՀՀ ֆինանսների և էկոնոմիկայի
նախարարի 2000 թ. հուլիսի 27-ի
N 172 հրամանով
ՁԵՎ
վիճակախաղերի կազմակերպման ԵՎ անցկացման գործունեության լիցենզիաների գրանցամատյանի*
Կազմակերպչի
անվանում իրավաբանական
հասցե կազմակերպական
իրավական ձև պետական
գրանցման
վկայականի
համար վիճակախաղի
անվանում լիցենզիայի
համար տրամադրման
ամսաթիվ լիցենզիայի գործողության ընթացքում արձանագրված խախտումներ (ամսաթիվ, խախտում, կիրառված պատասխա-նատվության միջով)
----------------------
* գրանցամատյանի բոլոր էջերը համարակալվում և կնքվում են նախարարության կողմից
Հաստատված է
ՀՀ ֆինանսների և էկոնոմիկայի
նախարարի 2000 թ. հուլիսի 27-ի
N 172 հրամանով
Կ Ա Ր Գ
վիճակախաղերի կազմակերպման ԵՎ անցկացման գործունեության վերաբերյալ տեղեկությունների (հաշվետվությունների) ներկայացման
1. Սույն կարգը սահմանում է վիճակախաղերի կազմակերպման և անցկացման գործունեություն իրականացնող անձանց կողմից «Վիճակախաղերի մասին» Հայաստանի Հանրապետության օրենքի 8 հոդվածի 3-րդ կետին համապատասխան իրենց գործունեության վերաբերյալ Հայաստանի Հանրապետության ֆինանսների և էկոնոմիկայի նախարարություն տեղեկությունների (հաշվետվությունների) ներկայացման կարգը:
2. Խաղարկությունով վիճակախաղի կազմակերպիչը`
ա) վիճակախաղերի տոմսերի թողարկումից հետո, նախքան այդ տոմսերի իրացումը, էլեկտրոնային տեսքով ներկայացնում է վիճակախաղերի տոմսերի վերաբերյալ տվյալները` ըստ համարների (սերիաների) և յուրաքանչյուր տոմսի` խաղարկության համար հիմք հանդիսացող տվյալների տեղաբաշխվածության.
բ) վիճակախաղերի տոմսերի իրացումից հետո, նախքան իրացված տոմսերի խաղարկության անցկացումը, էլեկտրոնային տեսքով ներկայացնում է իրացված տոմսերի վերաբերյալ տվյալները` ըստ համարների (սերիաների).
գ) նախքան վիճակախաղերի տոմսերի խաղարկության անցկացումը (ըստ կազմակերպչի հայեցողության` նախքան տոմսերի իրացումը կամ թողարկումը) էլեկտրոնային տեսքով ներկայացնում է վիճակախաղերի տոմսերի խաղարկության համակարգչային ծրագիրը.
դ) խաղարկության անցկացումից հետո 24 ժամվա ընթացքում` ներկայացնում է էլեկտրոնային տեսքով` խաղարկության ընթացքի նկարագրությունը (խաղարկված թվերի հերթականությունը) շահած տոմսերի համարները` ըստ շահումների չափերի և տեսակների:
3. Սույն կարգի 2-րդ կետի «ա», «բ» և «դ» ենթակետերով նախատեսված տեղեկությունները ներկայացվում են յուրաքանչյուր խաղարկության համար:
4. Սույն կարգի 2-րդ կետի «գ» ենթակետին համապատասխան վիճակախաղերի տոմսերի խաղարկության համակարգչային ծրագրի ներկայացումից հետո այդ ծրագրի փոփոխման դեպքում փոփոխված ծրագիրը ներկայացվում է` նախքան այդ ծրագրով խաղարկության անցկացումը:
5. Ոչ խաղարկությունով վիճակախաղի կազմակերպիչը`
ա) վիճակախաղերի տոմսերի թողարկումից հետո, նախքան այդ տոմսերի իրացումը, էլեկտրոնային կամ տեղեկանքի տեսքով ներկայացնում է վիճակախաղերի շահող տոմսերի վերաբերյալ տվյալները` ըստ քանակի, համարների (սերիաների), շահման չափի ու տեսակի և յուրաքանչյուր տոմսի շահելու կամ վիճակահանության համար հիմք հանդիսացող տվյալների տեղաբաշխվածության.
բ) վիճակախաղերի տոմսերի իրացման գործընթացը սկսելուց հետո ամիսը մեկ անգամ մինչև հաջորդ ամսվա 5-ը էլեկտրոնային կամ տեղեկանքի տեսքով ներկայացնում է իրացված տոմսերի վերաբերյալ տվյալները` ըստ համարների (սերիաների):
6. Տոտալիզատորի կազմակերպիչը`
ա) վիճակախաղերի տոմսերի իրացումից հետո, նախքան կանխագուշակվող ելքերի արդյունքների պարզվելը, էլեկտրոնային տեքսով ներկայացնում է իրացված տոմսերի վերաբերյալ տվյալները` ըստ քանակի, համարների (սերիաների) և յուրաքանչյուր տոմսի շահելու կամ վիճակահանության համար հիմք հանդիսացող տվյալների տեղաբաշխվածության.
բ) կանխագուշակվող ելքերի արդյունքները պարզվելուց հետո 24 ժամվա ընթացքում էլեկտրոնային տեսքով ներկայացնում է շահած տոմսերի համարները (սերիաները)` ըստ շահումների չափերի և տեսակների:
7. Սույն կարգին համապատասխան էլեկտրոնային տեսքով տվյալները ներկայացվում են հետևյալ կերպ`
ա) Հայաստանի Հանրապետության ֆինանսների և էկոնոմիկայի նախարարությունում տեղադրվում է ինտերնետին միացված Ftp սերվեր` համապատասխան ծրագրային ապահովումով, որտեղ օգտագործողի անվանում-ծածկագիր սկզբունքով համապատասխան ծավալներ են հատկացվում յուրաքանչյուր վիճակախաղի կազմակերպչի համար.
բ) կազմակերպիչը սահմանված ժամկետներում տվյալները փոխանցում է իրեն հատկացված տեղը, որից հետո անմիջապես ֆիքսվում են փոխանցման վերաբերյալ բոլոր տվյալները` կազմակերպչի անվանումը, փոխանցված տվյալների տիպը, ժամանակը և այլն: Փոխանցումները կարելի է անել on-line ինտերնետ/ինտերնետ կապի միջոցով, կամ անմիջապես Հայաստանի Հանրապետության ֆինանսների և էկոնոմիկայի նախարարության տարածքից` լոկալ ցանցի միջոցով: Տվյալների փոխանցումից հետո տվյալների վերագրումը կամ փոփոխությունը արգելվում է ծրագրային համակարգի կողմից.
գ) համակարգի ծրագրային ապահովումը տվյալները ստանալուց անմիջապես հետո բոլոր վիճակախաղերի համար առանձին-առանձին կատարում է անհրաժեշտ գործողությունները` ստանալով համապատասխան հաշվետվություններ.
դ) վերոհիշյալ սերվերի վրա գտնվող ինֆորմացիան, միայն դիտելու թույլտվությամբ, մատչելի է դարձվում ինտերնետային ցանցին միացված բոլոր օգտագործողների համար.
ե) սերվերի ադմինիստրատորի ծածկագիրը, առանց որի ցանկացած տվյալ փոփոխելու հնարավորությունը բացառվում է, հայտնի է լինում միայն Հայաստանի Հանրապետության ֆինանսների և էկոնոմիկայի նախարարին.
զ) տվյալների ստացմանը զուգահեռ դրանք արտագրվում են համապատասխան այլ սերվերների վրա, որոնք կտրամադրվեն Հայաստանի Հանրապետության պետական եկամուտների նախարարության կամ այլ պատասխանատու գերատեսչությունների կողմից:
8. Վիճակախաղերի կազմակերպիչները ներկայացնում են նաև`
ա) հաշվապահական հաշվառման օրենսդրությանը համապատասխան պետական մարմիններին ներկայացվող իրենց ֆինանսական հաշվետվությունների մեկ օրինակը` այդ օրենսդրությամբ սահմանված ժամկետներում.
բ) յուրաքանչյուր եռամսյակի համար, մինչև տվյալ եռամսյակին հաջորդող ամսվա 25-րդ օրը, տարածքային հարկային մարմնի և Հայաստանի Հանրապետության սոցիալական ապահովագրության պետական հիմնադրամի տարածքային մարմնի տեղեկանքը` հարկերի և օրենքով սահմանված այլ պարտադիր վճարների գծով կազմակերպչի պարտավորությունների վերաբերյալ:
9. Կազմակերպիչը սույն կարգի 8-րդ կետի «ա» ենթակետում նշված ֆինանսական հաշվետվությունները, մինչև հաշվետու տարվան հաջորդող տարվա ապրիլի 15-ը, հրապարակում է առնվազն հազար տպաքանակ ունեցող թերթում և դրա մասին տասնօրյա ժամկետում գրավոր տեղեկացնում է լիազոր մարմնին` կցելով թերթի մեկ օրինակը:
Գրանցված է
Հայաստանի Հանրապետության
արդարադատության նախարարության կողմից
28 հուլիսի 2000 թ.
Պետական գրանցման թիվ 118000069