ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
Ո Ր Ո Շ ՈՒ Մ Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԿՈՂՄԻՑ ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ՍԵՓԱԿԱՆԱՇՆՈՐՀՄԱՆ ԵՎ ԱՊԱՊԵՏԱԿԱՆԱՑՄԱՆ ՄԱՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ՆԱԽԱԳԾԻ ՆԱԽԱՊԱՏՐԱՍՏՄԱՆ ՄԱՍԻՆ
Նկատի ունենալով պետական ձեռնարկությունների սեփականաշնորհման և ապապետականացման մասին Հայաստանի Հանրապետության օրենքի առաջնակարգ նշանակությունը հանրապետության կյանքում, Հայաստանի Հանրապետության Գերագույն խորհուրդը որոշում է.
1. Հայաստանի Հանրապետության կառավարությանը` մեկշաբաթյա ժամկետում Հայաստանի Հանրապետության Գերագույն խորհուրդ ներկայացնել պետական ձեռնարկությունների սեփականաշնորհման և ապապետականացման մասին Հայաստանի Հանրապետության օրենքի վերջնական նախագիծը:
2. Հայաստանի Հանրապետության տնտեսական ինքնուրույնության և տնտեսության զարգացման հարցերի մշտական հանձնաժողովին` Հայաստանի Հանրապետության կառավարության կողմից վերոհիշյալ նախագիծն ստանալուց հետո երկշաբաթյա ժամկետում այն ներկայացնել Հայաստանի Հանրապետության Գերագույն խորհրդի քննարկմանը:
Հայաստանի Հանրապետության
ԳԵՐԱԳՈՒՅՆ ԽՈՐՀՐԴԻ Նախագահ
բ. արարքցյան
6 մայիսի 1992 թվականի,
քաղ. Երևան
հ.ն.-0618-1