ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
N 671-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏԻ 2023 ԹՎԱԿԱՆԻ ՄԱՐՏԻ 21-Ի N 219-Ա ՈՐՈՇՄԱՄԲ ՀԱՍՏԱՏՎԱԾ ԾՐԱԳՐԻՆ ՀԱՐԱԿԻՑ ԳՈՐԾԱՐՔՆԵՐԻ ՄԱՍԻՆ
Հիմք ընդունելով «Բարեգործության մասին» օրենքի 13-րդ հոդվածի 2-րդ մասի 3-րդ կետը՝
1. Սահմանել, որ Վայրի բնության և մշակութային արժեքների պահպանման հիմնադրամի կողմից (ՀՎՀՀ՝ 02565835) կնքված ստորև նշված պայմանագրերով նախատեսված գործարքներն անմիջականորեն կապված են Հայաստանի Հանրապետության փոխվարչապետի 2023 թվականի մարտի 21-ի «Վայրի բնության և մշակութային արժեքների պահպանման հիմնադրամի կողմից իրականացվող «Կենսաբազմազանության պահպանության և բնապահպանական կրթության ազգային կենտրոն» ծրագրի մասին» N 219-Ա որոշմամբ հաստատված ծրագրի իրականացման հետ և դրա համար ունեն զգալի նշանակություն՝
1) «ԷՅԷՄԷՍ» սահմանափակ պատասխանատվությամբ ընկերության հետ (ՀՎՀՀ՝ 00240275) 2024 թվականի օգոստոսի 21-ին կնքված N 24/24-Վ պայմանագրում նշված գործարքը, որով նախատեսվում է տեսախցիկների մատակարարում՝ 644,000 դրամի չափով, առանց ավելացված արժեքի հարկի.
2) «Հորիզոն» սահմանափակ պատասխանատվությամբ ընկերության հետ (ՀՎՀՀ՝ 01513552) 2024 թվականի օգոստոսի 16-ին կնքված N 24/21-Վ պայմանագրում նշված գործարքը, որով նախատեսվում է ջրի պոմպերի պահեստամասերի մատակարարում և վերանորոգման աշխատանքների իրականացում՝ 234,765 դրամի չափով, առանց ավելացված արժեքի հարկի.
3) «Յունիմայն» սահմանափակ պատասխանատվությամբ ընկերության հետ (ՀՎՀՀ՝ 01015289) 2024 թվականի օգոստոսի 21-ին կնքված N 24/25-Վ պայմանագրում նշված գործարքը, որով նախատեսվում է գեներատորի, ձայնամեկուսիչ պատյանի, ավտոմատ անջատիչի, պահուստի ավտոմատ միացման և հովացման հեղուկի ջեռուցման համակարգերի մատակարարում՝ 3,400,000 դրամի չափով, առանց ավելացված արժեքի հարկի:
(1-ին կետը փոփ. 11.11.24 N 802-Ա)
Հայաստանի Հանրապետության
փոխվարչապետ Տ. ԽԱՉԱՏՐՅԱՆ
Երևան
25.09.2024
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ