ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
15 նոյեմբերի 2024 թվականի N 1782-Ն
ՍՏՈՐԵՐԿՐՅԱ ՋՐԱՅԻՆ ՄԱՐՄԻՆՆԵՐԻ ՈՐԱԿԻ ՆՈՐՄԵՐԸ ՍԱՀՄԱՆԵԼՈՒ ՄԱՍԻՆ
Ղեկավարվելով Հայաստանի Հանրապետության ջրային օրենսգրքի 70.1-ին հոդվածի 2-րդ մասով` Հայաստանի Հանրապետության կառավարությունը որոշում է.
1. Սահմանել ստորերկրյա ջրային մարմինների որակի նորմերը՝ համաձայն հավելվածի:
2. Հայաստանի Հանրապետության շրջակա միջավայրի նախարարին`
1) սույն որոշման հավելվածով սահմանված ստորերկրյա ջրային մարմինների որակի նորմերը հաշվի առնել ստորերկրյա ջրային մարմինների կարգավիճակի գնահատման և որակի բարելավման համար` դրանք ներառելով ջրավազանային կառավարման պլաններում.
2) սույն որոշման հավելվածով սահմանված ստորերկրյա ջրային մարմինների որակի նորմերի թարմացման ժամանակ հաշվի առնել այդ ժամանակահատվածում ջրային ռեսուրսի որակի մոնիթորինգային տվյալների ավելացումը և քիմիական ցուցանիշների կոնցենտրացիաների արժեքները:
3. Սույն որոշումն ուժի մեջ է մտնում 2027 թվականի հունվարի 1-ից։
Հայաստանի Հանրապետության
վարչապետ Ն. Փաշինյան
Երևան
15.11.2024
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
Հավելված
ՀՀ կառավարության 2024 թվականի
նոյեմբերի 15-ի N 1782-Ն որոշման
ՍՏՈՐԵՐԿՐՅԱ ՋՐԱՅԻՆ ՄԱՐՄԻՆՆԵՐԻ ՈՐԱԿԻ ՆՈՐՄԵՐ
1. Սույն հավելվածով սահմանվում են ստորերկրյա ջրային մարմինների որակի նորմերը և դրանց հիման վրա ստորերկրյա ջրային մարմինների կարգավիճակները։
2. Ստորերկրյա ջրային մարմինների լավ և վատ կարգավիճակները գնահատվում են` հիմնվելով ստորերկրյա ջրերի քիմիական և քանակական ցուցանիշների վրա։
3. Ստորերկրյա ջրային մարմինների լավ և վատ կարգավիճակներն ըստ քիմիական ցուցանիշների որոշվում են` հիմնվելով քիմիական ցուցանիշի կոնցենտրացիայի արժեքի վրա։
4. Ստորերկրյա ջրային մարմինների կարգավիճակը գնահատվում է լավ, եթե ջրի որակի քիմիական ցուցանիշները գնահատվել են լավ, և ստորերկրյա ջրային մարմնի կարգավիճակը գնահատվում է վատ, եթե ջրի որակի քիմիական ցուցանիշներից որևէ մեկը գնահատվել է վատ։
5. Ստորերկրյա ջրային մարմինների կարգավիճակը և որակի նորմերը՝ ըստ քիմիական ցուցանիշների ներկայացված են N 1 աղյուսակում։
Աղյուսակ N 1
ՍՏՈՐԵՐԿՐՅԱ ՋՐԱՅԻՆ ՄԱՐՄԻՆՆԵՐԻ ԿԱՐԳԱՎԻՃԱԿԸ ԵՎ ՈՐԱԿԻ ՆՈՐՄԵՐԸ՝ ԸՍՏ ՔԻՄԻԱԿԱՆ ՑՈՒՑԱՆԻՇՆԵՐԻ
ՀՀ Ցուցանիշներ Ստորերկրյա ջրային մարմինների լավ կարգավիճակ Ստորերկրյա ջրային մարմինների վատ կարգավիճակ Չափման միավոր
Ջրի որակի նորմ
1. Ընդհանուր հանքայնացում ≤1000 >1000 մգ/լ
2. Տեսակարար
էլեկտրահաղորդականություն ≤1900 >1900 մկՍմ/սմ
3. pH ≥6.5 ≤9.5 ≤6.5 ≥9.5 -
4. Կոշտություն ≤7 >7 մմոլ/լ
5. Սուլֆատ իոն ≤190 >190 մգ/լ
6. Քլորիդ իոն ≤190 >190 մգ/լ
7. Նատրիում ≤150 >150 մգ/լ
8. Նիտրատ իոն ≤40 >40 մգ/լ
9. Նիտրիտ իոն ≤0.4 >0.4 մգ/լ
10. Ամոնիում իոն ≤0.4 >0.4 մգ/լ
11. Ֆոսֆատ իոն ≤0.3 >0.3 մգ/լ
12. Պղինձ ≤0.1 >0.1 մգ/լ
13. Ցինկ ≤0.1 >0.1 մգ/լ
14. Քրոմ ≤40 >40 մկգ/լ
15. Արսեն ≤10 >10 մկգ/լ
16. Կադմիում ≤4.0 >4.0 մկգ/լ
17. Կապար ≤7.2 >7.2 մկգ/լ
18. Նիկել ≤20 >20 մկգ/լ
19. Ծարիր ≤8.0 >8.0 մկգ/լ
20. Սելեն ≤15 >15 մկգ/լ
21. Մոլիբդեն ≤40 >40 մկգ/լ
22. Բոր ≤1.3 >1.3 մգ/լ
23. Ֆտորիդ իոն ≤1.3 >1.3 մգ/լ
24. Ալյումին ≤0.2 >0.2 մգ/լ
25. Երկաթ ≤0.2 >0.2 մգ/լ
26. Մանգան ≤0.04 >0.04 մգ/լ
27. Սնդիկ ≤0.8 >0.8 մկգ/լ
28. Ցիանիդ իոն ≤0.04 >0.04 մգ/լ
29. Բենզոլ ≤1.0 >1.0 մկգ/լ
30. Բենզապիրեն ≤0.01 >0.01 մկգ/լ
31. Պեստիցիդներ, ընդհանուր ≤0.5 >0.5 մկգ/լ
32. Ալդրին ≤0.03 >0.03 մկգ/լ
33. Դիէլդրին ≤0.03 >0.03 մկգ/լ
34. Հեպտաքլոր ≤0.03 >0.03 մկգ/լ
35. Հեպտաքլոր էպօքսիդ ≤0.03 >0.03 մկգ/լ
36. Պոլիցիկլիկ արոմատիկ
ածխաջրածիններ, ընդհանուր ≤0.08 >0.08 մկգ/լ
37. Եռքլորէթիլեն և երկքլորէթիլեն ≤7.5 >7.5 մկգ/լ
38. 1,2-երկքլոր էթան ≤2.25 >2.25 մկգ/լ
39. Եռհալոմեթաններ, ընդհանուր (գումարային քլորոֆորմ, բրոմոֆորմ, երկբրոմքլորմեթան և բրոմերկքլորմեթան) ≤75 >75 մկգ/լ
40. Հալոքացախաթթուներ ≤45 >45 մկգ/լ
41. Էպիքլորոհիդրին ≤0.08 >0.08 մկգ/լ
42. Ածխաջրածնային ինդեքս ≤75 >75 մկգ/լ
43. Քլորիտ իոն ≤0.2 >0.2 մգ/լ
44. Քլորատ իոն ≤0.2 >0.2 մգ/լ
45. Բրոմատ իոն ≤0.01 >0.01 մգ/լ
6. Ստորերկրյա ջրային մարմինների լավ և վատ կարգավիճակներն ըստ քանակական ցուցանիշների սահմանվում են՝ հիմնվելով ջրավազանային կառավարման պլաններով սահմանված ջրային մարմինների օգտագործելի ջրային ռեսուրսի ծավալի վրա։
7. Ստորերկրյա ջրային մարմնի կարգավիճակը գնահատվում է լավ, եթե միջին տարեկան ջրառի ծավալը (մլն.մ.3/տարի) չի գերազանցում ջրային մարմնի օգտագործելի ջրային ռեսուրսի ծավալի 95 տոկոսը։
8. Ստորերկրյա ջրային մարմնի կարգավիճակը գնահատվում է վատ, եթե միջին տարեկան ջրառի ծավալը (մլն.մ.3/տարի) գերազանցում է ջրային մարմնի օգտագործելի ջրային ռեսուրսի ծավալի 95 տոկոսը։
9. Ստորերկրյա ջրային մարմինների կարգավիճակի գնահատումն իրականացվում է ջրային ռեսուրսների կառավարման և պահպանության մարմնի կողմից՝ հիմնվելով ստորերկրյա ջրերի քիմիական, քանակական ցուցանիշների և մոնիթորինգային տվյալների վիճակագրական վերլուծության վրա:
Հայաստանի Հանրապետության
վարչապետի աշխատակազմի
ղեկավար Ա. Հարությունյան
15.11.2024
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
Պաշտոնական հրապարակման օրը՝ 15 նոյեմբերի 2024 թվական: