ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
24 նոյեմբերի 1994 թ. N 537
Քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1993 ԹՎԱԿԱՆԻ ԴԵԿՏԵՄԲԵՐԻ 28-Ի N 656 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
Հավանություն տալ Հայաստանի Հանրապետության ներքին գործերի նախարարության առաջարկությանը` Եղեգնաձորի տարածաշրջանային ներքին գործերի վարչություն ստեղծելու և Եղեգնաձորի, Վայքի, Արարատի ներքին գործերի բաժիններն ու Ջերմուկ քաղաքի ներքին գործերի բաժանմունքը նրա ենթակայությանը հանձնելու մասին:
Այդ կապակցությամբ Հայաստանի Հանրապետության կառավարության 1993 թվականի դեկտեմբերի 28-ի «Հայաստանի Հանրապետության ներքին գործերի նախարարության համակարգում տարածաշրջանային ներքին գործերի վարչություններ ստեղծելու մասին» N 656 որոշման հավելվածում`
ա) տարածաշրջանային ներքին գործերի վարչությունների ենթակայությանը հանձնվող շրջանային (քաղաքային) ՆԳ բաժինների ցանկը լրացնել հետևյալ բառերով`
«Եղեգնաձոր Եղեգնաձորի
Վայքի
Արարատի
Ջերմուկ քաղաքի ՆԳ բաժանմունք».
բ) Սյունիքի տարածաշրջանային ներքին գործերի վարչությանը ենթակա ՆԳ շրջանային (քաղաքային) բաժինների ցանկից հանել «Եղեգնաձորի, Վայքի և Ջերմուկի» բառերը, իսկ Էջմիածնի տարածաշրջանային ներքին գործերի վարչությանը ենթակա շրջանային (քաղաքային) ՆԳ բաժինների ցանկից` «Արարատի» բառը:
Հայաստանի Հանրապետության
վարչապետ Հ. ԲԱԳՐԱՏյան
Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ Ս. ՄԱՆԱՍԱՐՅԱՆ