ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎԱՅՈՑ ՁՈՐԻ ՄԱՐԶ
ՋԵՐՄՈՒԿ ՀԱՄԱՅՆՔԻ ԱՎԱԳԱՆԻ
Ո Ր Ո Շ ՈՒ Մ
26 մարտի 2025 թ. N 29-Ն
ՋԵՐՄՈՒԿ ՀԱՄԱՅՆՔԻ 2025 ԹՎԱԿԱՆԻ ԲՅՈՒՋԵԻ ՓՈՓՈԽՈՒԹՅՈՒՆՆԵՐԸ ՀԱՍՏԱՏԵԼՈՒ՝ ԲՅՈՒՋԵԻ ՎԱՐՉԱԿԱՆ ՄԱՍԻ ՊԱՀՈՒՍՏԱՅԻՆ ՖՈՆԴԻՑ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ և 6-րդ կետերի, 90-րդ հոդվածի 6-րդ մասի, «Հայաստանի Հանրապետության բյուջետային համակարգի մասին» օրենքի 29-րդ հոդվածի 4-րդ և 5-րդ, 33-րդ հոդվածի 4-րդ մասերի, «Նորմատիվ իրավական ակտերի մասին» օրենքի 33-րդ և 34-րդ հոդվածների պահանջներով՝ ավագանին որոշում է`
1. Ջերմուկ համայնքի 2025 թվականի բյուջեի վարչական մասի պահուստային ֆոնդի՝ բաժին 11, խումբ 01, դաս 02, ծրագիր 51, 210002-«ՀՀ համայնքների պահուստային ֆոնդ» գործառնական նշանակության ծախսերի կատարման նախահաշվի «4891-պահուստային միջոցներ» տնտեսագիտական հոդվածը նվազեցնել 10,128.0 հազար ՀՀ դրամով, որից՝
1) 4,694.0 հազար ՀՀ դրամն ուղղել «09-06-01-51-Մանկական Զարգացման Հիմնադրամ» գործառնական դասակարգման «4639- այլ ընթացիկ դրամաշնորհներ» տնտեսագիտական հոդվածին`Ջերմուկ համայնքում գործունեություն ծավալող «Մանկական Զարգացման Հիմնադրամ»-ին աջակցելու՝ պայմանագրային ստանձնած պարտավորություններից դուրս թվով 25 երեխաների խնամքի ծառայությունները կազմակերպելու համար,
2) 5,434.0 հազար ՀՀ դրամն ուղղել «08-01-01-51-սպորտային միջոցառումներ» գործառնական նշանակության «4639-այլ ընթացիկ դրամաշնորհներ» տնտեսագիտական հոդվածին՝ ս/թ փետրվարի 1-ից 7–ը Ջերմուկ քաղաքում «Ձմեռային համահայկական խաղեր-2025» համապետական միջոցառման կազմակերպման նպատակով «Ջերմուկի կոմունալ տնտեսություն» ՀՈԱԿ-ին պատվիրակված լրացուցիչ ծախսերը համաֆինանսավորելու համար։
2․ Հաստատել Ջերմուկ համայնքի 2025 թվականի բյուջեի՝ սույն որոշմամբ կատարված փոփոխությունները։
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
Կողմ -10
ԱՅՎԱԶՅԱՆ ՄԽԻԹԱՐ
ԳԵՎՈՐԳՅԱՆ ՄԱՆԱՆ
ԽԱՉԱՏՐՅԱՆ ԳՈՀԱՐ
ՀԱՄԲԱՐՁՈՒՄՅԱՆ ՄԽԻԹԱՐ
ՄԿՐՏՉՅԱՆ ՄԱՐԻՆԵ
ՄՆԱՑԱԿԱՆՅԱՆ ԱՐԿԱԴԻ
ՍԱՐԳՍՅԱՆ ԼՈՒՍԻԿ
ՍԱՐԳՍՅԱՆ ՎԱՐԴԱՆ
ՎԱՀԱՆՅԱՆ ՎԱՐՈՒԺԱՆ
ՎԱՐԴԱԶԱՐՅԱՆ ԱՆՆԱ Դեմ -2
ԱՎԵՏԻՍՅԱՆ ՍՅՈՒԶԱՆՆԱ
ՀՈՎԱԿԻՄՅԱՆ ԱԶԱՏ Ձեռնպահ -0
ՀԱՄԱՅՆՔԻ ԱՎԱԳԱՆՈՒ ԱՆԴԱՄ` ԱԶԱՏ ՀՈՎԱԿԻՄՅԱՆ
2025 թ․ մարտի 26
ք. Ջերմուկ
Պաշտոնական հրապարակման օրը՝ 1 ապրիլի 2025 թվական: