Հոդված 4. Օրենքը լրացնել հետևյալ բովանդակությամբ 8.1-ին հոդվածով.

Հոդված 4. Օրենքը լրացնել հետևյալ բովանդակությամբ 8.1-ին հոդվածով.

«Հոդված 8.1. Լիցենզիաների էլեկտրոնային գրանցամատյանը

1. Մասնավոր պահնորդական գործունեություն իրականացնող կազմակերպությունները հաշվառելու, ոլորտի վիճակի և միտումների վերաբերյալ տեղեկությունները հավաքելու և վերլուծելու, ինչպես նաև ոլորտի քաղաքականությունը մշակելու նպատակով Լիազոր մարմինը վարում է մասնավոր պահնորդական գործունեություն իրականացնող կազմակերպությունների հաշվառման էլեկտրոնային գրանցամատյան, որտեղ նշվում են`

1) լիցենզավորված իրավաբանական անձի անվանումը և գտնվելու (գործունեություն ծավալելու) վայրը.

2) լիցենզիայի համարը.

3) լիցենզիան տալու տարին, ամիսը, ամսաթիվը և գրանցման համարը.

4) գործունեության կոնկրետ տեսակը, որի իրականացման համար տրվել է լիցենզիա.

5) տրված լիցենզիայի վերաձևակերպման, գործողության կասեցման կամ դադարեցման մասին տեղեկություններ.

6) կազմակերպությունում իրականացված ստուգումների վերաբերյալ տեղեկություններ.

7) սույն օրենքի 30-րդ հոդվածի 4-րդ մասով սահմանված հաշվետվությամբ նախատեսված այլ տեղեկություններ:»: