ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
28 մարտի 1994 թ. N 137
քաղ. Երևան
ՀԱՆՐԱՊԵՏՈՒԹՅՈՒՆՈՒՄ ԱՌԱՋԻՆ ԱՆՀՐԱԺԵՇՏՈՒԹՅԱՆ ԱՊՐԱՆՔՆԵՐՈՎ ԲՆԱԿՉՈՒԹՅԱՆ ՆՎԱԶԱԳՈՒՅՆ ԿԱՐԻՔՆԵՐՆ ԱՊԱՀՈՎԵԼՈՒ ՊԵՏԱԿԱՆ ԱՌԱՋԱԴՐԱՆՔԻ ՄԱՍԻՆ
Ելնելով սպառողական շուկայում ստեղծված ծանր իրավիճակից և բնակչությանն առաջին անհրաժեշտության ապրանքներով անխափան ապահովման անհրաժեշտությունից, Հայաստանի Հանրապետության կառավարությունը որոշում է.
1. Հաստատել Հայաստանի Հանրապետության առևտրի նախարարությանը և Հայկոոպի վարչությանը (հաշվի առնելով նրա համաձայնությունը) տեղական արտադրության ապրանքների գնման և արտահանման 1994 թվականի (ապրիլ-դեկտեմբեր) պետական առաջադրանք, համաձայն N N 1 և 2 հավելվածների, և կարևորագույն սպառողական ապրանքների ներկրման պետական առաջադրանք, համաձայն N N 3 և 4 հավելվածների։
2. Հաստատել Հայաստանի Հանրապետության արդյունաբերության նախարարության, թեթև արդյունաբերության նախարարության, պարենի և մթերումների նախարարության ձեռնարկություններին, առևտրի նախարարությանը և Հայկոոպի վարչությանը տեղական արտադրության ապրանքների հատկացման նվազագույն ծավալների 1994 թ. (ապրիլ-դեկտեմբեր) պետական առաջադրանք, համաձայն N N 5, 6 և 7 հավելվածների:
3. Հաստատել Հայաստանի Հանրապետության պարենի և մթերումների նախարարությանը ապակե տարաների գնման 1994 թվականի (ապրիլ-դեկտեմբեր) պետական առաջադրանք, համաձայն N 8 հավելվածի։
4. Հաստատել «Հայարդշինանյութեր» ՊԱՄ-ի ձեռնարկություններին ու Հայաստանի Հանրապետության պարենի և մթերումների նախարարությանն ապակե տարաների հատկացման նվազագույն ծավալների 1994 թվականի (ապրիլ-դեկտեմբեր) պետական առաջադրանք, համաձայն N 9 հավելվածի։
5. Հայաստանի Հանրապետության արդյունաբերության նախարարությանը, թեթև արդյունաբերության նախարարությանը, պարենի և մթերումների նախարարությանը, «Հայարդշինանյութեր» ՊԱՄ-ին՝ պետական առաջադրանք տեղադրող լիազորված մարմինների հետ համաձայնեցված մեկշաբաթյա ժամկետում իջեցնել պետական առաջադրանքի ծավալներն ըստ համապատասխան ձեռնարկությունների։
6. Հայաստանի Հանրապետության առևտրի նախարարության և Հայկոոպի համակարգերի առևտրական ձեռնարկություններին՝ 15-օրյա ժամկետում կնքել պայմանագրեր արդյունաբերության նախարարության, թեթև արդյունաբերության նախարարության, պարենի և մթերումների նախարարության համապատասխան ձեռնարկությունների հետ, սույն որոշմամբ նախատեսված պետական առաջադրանքի ծավալներով:
7. Հայաստանի Հանրապետության պարենի և մթերումների նախարարության համապատասխան ձեռնարկություններին՝ 15-օրյա ժամկետում «Հայարդշինանյութեր» ՊԱՄ-ի ձեռնարկությունների հետ կնքել պայմանագրեր, սույն որոշմամբ նախատեսված պետական առաջադրանքի ծավալներով։
8. Առաջարկել Հայաստանի Հանրապետության կառավարության և Հայաստանի Հանրապետության կենտրոնական բանկի 1993 թվականի դեկտեմբերի 27-ի N 647 որոշմամբ ստեղծված հանձնաժողովին`
ա) ազատել Հայաստանի Հանրապետության առևտրի նախարարությունը և Հայկոոպի վարչությունը Հայաստանի Հանրապետության կենտրոնական բանկ կատարվող, պետական առաջադրանքով նախատեսված արդյունաբերական ապրանքների արտահանումից գոյացած տարադրամային հասույթի պարտադիր վաճառքից.
բ) քննության առնել սույն որոշմամբ նախատեսված պետական առաջադրանք կատարող արդյունաբերական նախարարությունների և գերատեսչությունների կողմից Հայաստանի Հանրապետության կենտրոնական բանկ կատարվող, պետական առաջադրանքի դիմաց մատակարարած արտադրանքի հումքի և նյութերի տարադրամային ծախսերի մասով, տարադրամի պարտադիր վաճառքի տոկոսադրույքի նվազեցման հարցը:
9. Սահմանել, որ պետական առաջադրանքով նախատեսված տեղական արտադրության ապրանքների գնումները Հայաստանի Հանրապետության առևտրի նախարարության և Հայկոոպի վարչության կողմից պետք է կատարվեն կանխավճարային հիմունքներով, իսկ փոխադարձ համաձայնության դեպքում` նաև առանց կանխավճարի:
(9-րդ կետը փոփ. 10.11.94 N 523)
10. Սահմանել, որ պետական առաջադրանքով սահմանված մատակարարումները կարգավորվում են Հայաստանի Հանրապետության էկոնոմիկայի նախարարության կողմից:
11. Հայաստանի Հանրապետության վիճակագրության, պետական ռեգիստրի և վերլուծության պետական վարչությանը՝ 1994 թվականի պետական պատվերի և պետական առաջադրանքի կատարման ընթացքի հաշվառման համար մտցնել վիճակագրական հաշվետվության համապատասխան ձևեր ու ցուցանիշներ և Հայաստանի Հանրապետության կառավարություն ներկայացնել ամենամսյա հաշվետվություն։
Հայաստանի Հանրապետության
վարչապետ Հ. ԲԱԳՐԱՏյան
Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ
ԿԱՌԱՎԱՐիչ Ա. ԽԱՉԱՏՐՅԱՆ