«Վավերացնում եմ»
Հայաստանի Հանրապետության
նախագահ Լ. ՏԵՐ-ՊԵՏՐՈՍՅԱՆ
«29» փետրվարի 1996 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
29 փետրվարի 1996 թ. N 66
Քաղ. Երևան
1996 ԹՎԱԿԱՆԻ ԱՌԱՋԻՆ ԵՌԱՄՍՅԱԿՈՒՄ ՍԵՎԱՆԱ ԼՃԻՑ ԼՐԱՑՈՒՑԻՉ ՋՐԻ ԲԱՑԹՈՂՄԱՆ ՄԱՍԻՆ
Ելնելով հանրապետության էներգահամակարգում ստեղծված լարված իրավիճակից` կապված բնական գազի մուտքի կտրուկ նվազեցման, ջերմային էլեկտրակայաններում մազութի նվազագույն քանակի առկայության հետ, ինչպես նաև Հայկական ԱԷԿ-ի անվտանգ աշխատանքի ապահովման անհրաժեշտությունից, Հայաստանի Հանրապետության կառավարությունը որոշում է.
1. 1996 թվականի առաջին եռամսյակում Սևանա լճից 1996 թվականի Հայաստանի Հանրապետության սոցիալ-տնտեսական զարգացման ծրագրով նախատեսված չափաքանակներից դուրս էներգետիկ նպատակով լրացուցիչ բաց թողնել մինչև 30 մլն խմ ջուր։
2. Սույն որոշումն ուժի մեջ է մտնում 1996 թվականի փետրվարի 29-ից։
Հայաստանի Հանրապետության
վարչապետ Հ. ԲԱԳՐԱՏյան