ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ
ԳԼԽԱՎՈՐ ՔԱՐՏՈՒՂԱՐ
N 1048-Ա
Հ Ր Ա Մ Ա Ն
«ՌՈՅԱԼ ՍԻԳՆԱՉՐ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐՈՒԹՅԱՆ ԿՈՂՄԻՑ 2019 ԹՎԱԿԱՆԻ ՀՈՒԼԻՍԻ 16-ԻՆ ՏՐՎԱԾ ԽԱՂԱՏԱՆ ԿԱԶՄԱԿԵՐՊՄԱՆ ԹԻՎ ԽՏ-010 ԼԻՑԵՆԶԻԱՅԻ ԳՈՐԾՈՂՈՒԹՅՈՒՆԸ ԿԱՍԵՑՆԵԼՈՒ ՄԱՍԻՆ
Ղեկավարվելով «Շահումով խաղերի, ինտերնետ շահումով խաղերի և խաղատների մասին» օրենքի 14-րդ հոդվածի 1-ին մասի «բ» կետով և նույն հոդվածի 2-րդ մասով, հիմք ընդունելով ՀՀ պետական եկամուտների կոմիտեի 11.06.2025թ. թիվ /29-2/37048-2025 գրությամբ ներկայացված միջնորդությունը՝ ՀՀ ֆինանսների նախարարության կողմից 16.07.2019թ. «Ռոյալ Սիգնաչր» ՍՊԸ տրված խաղատան կազմակերպման թիվ ԽՏ-010 լիցենզիայի գործողության կասեցման վերաբերյալ, համաձայն որի՝ 21.05.2025թ. դրությամբ «Ռոյալ Սիգնաչր» ՍՊԸ ունի 8,806,890 ՀՀ դրամի չափով հարկային պարտավորություններ, այդ թվում ԱԱՀ-ի գծով՝ 304,663 ՀՀ դրամ, սոցիալական վճարի գծով՝ 904,031 ՀՀ դրամ, եկամտային հարկի գծով՝ 7,593,696 ՀՀ դրամ, դրոշմանիշային վճարի գծով՝ 4500 ՀՀ դրամ, 2025 թվականի հունիսի 18-ին կայացած վիճակախաղերի, շահումով խաղերի, ինտերնետ շահումով խաղերի և խաղատների լիցենզավորող հանձնաժողովի նիստի եզրակացությունը՝
ՀՐԱՄԱՅՈՒՄ ԵՄ
1. Հայաստանի Հանրապետության ֆինանսների նախարարության կողմից 2019 թվականի հուլիսի 16-ին «Ռոյալ Սիգնաչր» սահմանափակ պատասխանատվությամբ ընկերությանը տրված խաղատան կազմակերպման թիվ ԽՏ-010 լիցենզիայի գործողությունը կասեցնել՝ մինչև խախտման հիմքի վերացումը:
2. Սույն հրամանը կարող է բողոքարկվել վարչական կարգով` այն ուժի մեջ մտնելու օրվանից երկամսյա ժամկետում կամ Հայաստանի Հանրապետության վարչական դատարան՝ Հայաստանի Հանրապետության օրենսդրությամբ սահմանված ժամկետում:
3. Սույն հրամանն ուժի մեջ է մտնում «Վարչարարության հիմունքների և վարչական վարույթի մասին» օրենքի 59-րդ հոդվածով սահմանված կարգով` իրազեկելուն հաջորդող օրվանից:
2025-06-19 Ա. Եսայան