Հաստատված է`
ՀՀ հարկային տեսչության
09.09.1996 թ.
N 629 հրամանով Համաձայնեցված է`
ՀՀ ֆինանսների նախարարության հետ
Պ Ա Ր Զ Ա Բ Ա Ն ՈՒ Մ
ՆԱՎԹԱՄԹԵՐՔՆԵՐԻ ԱՌԵՎՏՐԱԳՆՄԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՁԵՌՆԱՐԿՈՒԹՅՈՒՆՆԵՐԻ, ԿԱԶՄԱԿԵՐՊՈՒԹՅՈՒՆՆԵՐԻ ԵՎ ԱՆՀԱՏ ՁԵՌՆԵՐԵՑՆԵՐԻ ԿՈՂՄԻՑ ՆԱՎԹԱՄԹԵՐՔՆԵՐԻ ՁԵՌՔ ԲԵՐՄԱՆ ԵՎ ՎԱՃԱՌՔԻ ԳՆԵՐԸ ՓԱՍՏԱԹՂԹԵՐՈՎ ՀԻՄՆԱՎՈՐՎԱԾ ՉԼԻՆԵԼՈՒ ԴԵՊՔՈՒՄ ՎԱՃԱՌՔԻ ՀԱՇՎԱՐԿԱՅԻՆ ԳՆԻ ՄԱԿԱՐԴԱԿԻ ՈՐՈՇՄԱՆ ՄԱՍԻՆ
Համաձայն ՀՀ կառավարության 1995 թ. հուլիսի 6-ի «Առևտրի և հասարակական սննդի ոլորտում հաշվառման բացակայության դեպքում հասույթի (համախառն եկամտի) որոշման մասին» N 501 որոշման 2-րդ, ՀՀ վարչապետի 1996 թ. մայիսի 10-ի N 271 որոշմամբ հաստատված «ՀՀ հարկային տեսչության կանոնադրության» 10 ա կետերի և նպատակ ունենալով կանոնակարգել նավթամթերքների առևտրագնման գործունեություն իրականացնող ձեռնարկությունների, կազմակերպությունների և անհատ ձեռներեցների մոտ նավթամթերքների ձեռք բերման և վաճառքի գները փաստաթղթերով հիմնավորված չլինելու դեպքում վաճառքի հաշվարկային գնի մակարդակը հայտնում ենք.
Այն դեպքում` երբ փաստաթղթերով չեն հիմնավորվում նավթամթերքների առևտրագնման գործունեություն իրականացնող ձեռնարկությունների, կազմակերպությունների, ինչպես նաև անհատ ձեռներեցների կողմից նավթամթերքների ինչպես ձեռք բերման, այնպես էլ վաճառքի գները, ապա որպես վաճառքի հաշվարկային գին ընդունվում է ՀՀ վիճակագրության, պետական ռեգիստրի և վերլուծության վարչության կողմից ըստ տարածաշրջանների կատարված ուսումնասիրությունների հիման վրա (10-օրյա կտրվածքով) որոշված գների մակարդակը:
քաղ. Երևան
N 629
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅաՆ ԿՈՂՄԻՑ
27.09.1996 թ.
ՊԵՏԱԿԱՆ ԳՐԱՆՑՄԱՆ N 43960052