ԵՐԵՎԱՆԻ ՔԱՂԱՔԱՊԵՏ
N 2984-Ա «25» հուլիսի 2025 թ.
Ո Ր Ո Շ ՈՒ Մ
ԵՐԵՎԱՆԻ ՔԱՂԱՔԱՊԵՏԻ 2024 ԹՎԱԿԱՆԻ ՆՈՅԵՄԲԵՐԻ 25-Ի Հ.4555-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով, Հայաստանի Հանրապետության կառավարության 2006 թվականի մայիսի 18-ի հ.912-Ն որոշմամբ հաստատված կարգի 39-րդ կետով, հաշվի առնելով քաղաքացի Համլետ Եղիազարյանի 06.05.2025թ. հ.Դ-48175-25 և 14.07.2025թ. հ.Դ-75612-25 դիմումները.
1. Երևանի քաղաքապետի 2024 թվականի նոյեմբերի 25-ի «Ինքնակամ կառույցի օրինականացման մասին» հ.4555-Ա որոշման 9-րդ կետը շարադրել հետևյալ խմբագրությամբ.
«9. Լիազորել Երևանի քաղաքապետարանի աշխատակազմի ճարտարապետության և քաղաքաշինության վարչության պետին՝ հիմք ընդունելով Երևան քաղաքի բյուջեի հ.900015211262 և գանձապետական հ.900015211254 հաշիվներին մուտքագրված համապատասխանաբար 2429073 (երկու միլիոն չորս հարյուր քսանինը հազար յոթանասուներեք) դրամ և 2539394 (երկու միլիոն հինգ հարյուր երեսունինը հազար երեք հարյուր իննսունչորս) դրամ գումարները վճարված լինելու հանգամանքը, 30-օրյա ժամկետում Համլետ Հայկի Եղիազարյանի հետ կնքել կառույցի և դրա համար առանձնացված հողամասի ուղղակի վաճառքի պայմանագիր։»:
2. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինության վարչության պետի վրա։
3. Որոշման կատարման հսկողությունը դնել Երևանի քաղաքապետարանի աշխատակազմի քարտուղարի վրա։
4. Սույն որոշումը կարող է վարչական կարգով բողոքարկվել Երևանի քաղաքապետին, կամ դատական կարգով՝ Հայաստանի Հանրապետության վարչական դատարան դրա ուժի մեջ մտնելու օրվանից երկամսյա ժամկետում։
Տ. Ավինյան