ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Ո Ր Ո Շ ՈՒ Մ
29 նոյեմբերի 2024 թվականի թիվ 112 քաղ. Մոսկվա
ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ 2011 ԹՎԱԿԱՆԻ ՀՈԿՏԵՄԲԵՐԻ 18-Ի ԹԻՎ 824 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
«Եվրասիական տնտեսական միության մասին» 2014 թվականի մայիսի 29-ի պայմանագրի 52-րդ հոդվածին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 29-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.
1. ««Վերելակների անվտանգության մասին» Մաքսային միության տեխնիկական կանոնակարգն ընդունելու մասին» Մաքսային միության հանձնաժողովի 2011 թվականի հոկտեմբերի 18-ի թիվ 824 որոշման մեջ կատարել հետևյալ փոփոխությունները.
ա) 3.3-րդ կետը լրացնել հետևյալ բովանդակությամբ պարբերություններով
«Վերելակները, որոնց ծառայության սահմանված ժամկետն ավարտվել է մինչև 2025 թվականի փետրվարի 15-ը, պետք է համապատասխանեցվեն սույն տեխնիկական կանոնակարգի պահանջներին
Ղազախստանի Հանրապետությունում՝ մինչև 2025 թվականի փետրվարի 15-ը.
Հայաստանի Հանրապետությունում, Բելառուսի Հանրապետությունում, Ղրղզստանի Հանրապետությունում և Ռուսաստանի Դաշնությունում՝ մինչև 2030 թվականի փետրվարի 15-ը։».
բ) նշված որոշմամբ ընդունված «Վերելակների անվտանգության մասին» Մաքսային միության տեխնիկական կանոնակարգի (ՄՄ ՏԿ 011/2011) 6-րդ հոդվածի 5.5 կետն ուժը կորցրած ճանաչել։
2. Սահմանել, որ այն շահագործվող վերելակների անվտանգության ապահովմանն ուղղված միջոցառումները, որոնց ծառայության սահմանված ժամկետն ավարտվել է մինչև Մաքսային միության հանձնաժողովի 2011 թվականի հոկտեմբերի 18-ի թիվ 824 որոշմամբ ընդունված «Վերելակների անվտանգության մասին» Մաքսային միության տեխնիկական կանոնակարգի (ՄՄ ՏԿ 011/2011) պահանջներին համապատասխանեցումը, իրականացվում են Եվրասիական տնտեսական միության անդամ պետությունների օրենսդրությանը համապատասխան։
3. ««Վերելակների անվտանգություն» Մաքսային միության տեխնիկական կանոնակարգում (ՄՄ ՏԿ 011/2011) փոփոխություն կատարելու մասին» Եվրասիական տնտեսական հանձնաժողովի խորհրդի 2019 թվականի դեկտեմբերի 19 թիվ 112 որոշումն ուժը կորցրած ճանաչել։
4. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո։
Եվրասիական տնտեսական հանձնաժողովի խորհրդի անդամներ՝
Հայաստանի Հանրապետությունից՝ Բելառուսի Հանրապետությունից` Ղազախստանի Հանրապետությունից` Ղրղզստանի Հանրապետությունից՝ Ռուսաստանի Դաշնությունից՝
Մ. Գրիգորյան
Ի. Պետրիշենկո
Ս. Ժումանգարին
Ա. Կասիմալիև
Ա. Օվերչուկ
Պաշտոնական հրապարակման օրը՝ 29 օգոստոսի 2025 թվական: