ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
23 փետրվարի 1995 թ. N 101
Քաղ. Երևան
«ԱՆԴՐՆԱՎԹԳԱԶՇԻՆ-ՊՐՈՄԵԹԵՎՍ» ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ 1994 ԹՎԱԿԱՆԻ ԱՌԱՋԻՆ ԿԻՍԱՄՅԱԿՈՒՄ ՀԱՐԿԱՅԻՆ ՕՐԵՆՍԴՐՈՒԹՅԱՆ ԽԱԽՏՈՒՄՆԵՐԻ ՀԱՄԱՐ ՆԱԽԱՏԵՍՎԱԾ ՊԱՏԺԱՄԻՋՈՑՆԵՐԻՑ ԱԶԱՏԵԼՈՒ ՄԱՍԻՆ
Ելնելով «Անդրնավթգազշին-Պրոմեթևս» բաժնետիրական ընկերության կողմից Ուզբեկստանի Հանրապետությունում իրականացված աշխատանքների դիմաց կատարվող վճարումների առանձնահատկություններից ու հաշվի առնելով Հայաստանի Հանրապետության Գերագույն խորհրդի ֆինանսավարկային և բյուջետային հարցերի մշտական հանձնաժողովի համաձայնությունը, Հայաստանի Հանրապետության կառավարությունը որոշում է.
«Անդրնավթգազշին-Պրոմեթևս» բաժնետիրական ընկերությունն ազատել 1994 թվականի առաջին կիսամյակում Ուզբեկստանի Հանրապետությունում կատարած աշխատանքների դիմաց ստացած շահույթը Հայաստանի Հանրապետության հարկային պետական տեսչության մարմիններին ներկայացրած ամփոփ հաշվապահական հաշվետվության մեջ չարտացոլելու, շահութահարկը չհաշվարկելու և ժամանակին բյուջե չվճարելու համար Հայաստանի Հանրապետության հարկային օրենսդրությամբ նախատեսված տույժերից և տուգանքներից:
ՀԱՅԱՍՏԱՆի հանրապետության
վարչապետ Հ. ԲԱԳՐԱՏՅԱՆ
ՀԱՅԱՍՏԱՆի հանրապետության
կԱՌԱՎԱՐՈՒԹյԱՆ ԳՈՐԾԵՐԻ
ԿԱՌԱՎԱՐիչ Ս. ՄԱՆԱՍԱՐՅԱՆ