ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ
16 սեպտեմբերի 2025 թ.
ք. Երևան N 52-Ն
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎԻ 2025 ԹՎԱԿԱՆԻ ՄԱՐՏԻ 28-Ի ԹԻՎ 33-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով` Հայաստանի Հանրապետության կենտրոնական ընտրական հանձնաժողովը
ՈՐՈՇՈՒՄ Է.
1. Հայաuտանի Հանրապետության կենտրոնական ընտրական հանձնաժողովի 2025 թվականի մարտի 28-ի «Ընտրատարածքային ընտրական հանձնաժողովների անդամների ատեստավորման ժամանակացույցը, ատեստավորման հանձնաժողովի կազմը, աշխատակարգը, ձևավորման և ատեստավորում անցկացնելու կարգը սահմանելու մասին» թիվ 33-Ն որոշման N 1 հավելվածով սահմանված կարգի 12-րդ կետի առաջին պարբերությունը լրացնել հետևյալ բովանդակությամբ երկրորդ և երրորդ նախադասություններով. «Կենտրոնական ընտրական հանձնաժողովի նախագահն ի պաշտոնե հանդիսանում է ատեստավորման հանձնաժողովի նախագահը։ Եթե Կենտրոնական ընտրական հանձնաժողովի նախագահն ընդգրկված չէ ատեստավորման հանձնաժողովի կազմում կամ բացակայում է, ապա ատեստավորման հանձնաժողովի նախագահ ի պաշտոնե հանդիսանում է Կենտրոնական ընտրական հանձնաժողովի նախագահի տեղակալը, իսկ եթե վերջինս ընդգրկված չէ ատեստավորման հանձնաժողովի կազմում կամ բացակայում է, ապա ատեստավորման հանձնաժողովի նախագահ ի պաշտոնե հանդիսանում է Կենտրոնական ընտրական հանձնաժողովի քարտուղարը։»։
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
Հայաստանի Հանրապետության կենտրոնական ընտրական
հանձնաժողովի նախագահ Վ. Հովակիմյան
Պաշտոնական հրապարակման օրը՝ 17 սեպտեմբերի 2025 թվական: