ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
24 հուլիսի 2018 թվականի թիվ 120 քաղ. Մոսկվա
ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ՝ ԻՆՔՆԱԹԻՌԸ ԴԱՍԱԿԱՐԳԵԼՈՒ ՄԱՍԻՆ
Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.
1. Արտադրողի կողմից ոչ ավելի, քան 50 ուղևոր տեղափոխելու համար նախատեսված ինքնաթիռը, որը ղեկավարվում է տվյալ ինքնաթիռում գտնվող անձնակազմի կողմից, հանդերձված դատարկ ապարատի 2000 կգ-ից ավելի, սակայն 15 000 կգ-ից ոչ ավելի զանգվածով, սրահում ուղևորների մի քանի բազկաթոռների փոխարեն հատուկ սարքավորման տեղադրմամբ, որը նախատեսված է օդանավակայանների վերգետնյա սարքավորումների թռիչքային ստուգումներ և օդային ուղիների շրջաթիռ իրականացնելու համար, Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8802 30 000 2 ստորաենթադիրքում։
(1-ին կետը լրաց. ԵՏՀԿ 29.11.21 թիվ 160)
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Եվրասիական տնտեսական հանձնաժողովի կոլեգիայի նախագահ` Տ. Սարգսյան
Պաշտոնական հրապարակման օրը՝ 22 հունիսի 2022 թվական: