ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
3 հոկտեմբերի 2024 թվականի թիվ 111 քաղ. Մոսկվա
ՀԵՂՈՒԿ ԲՅՈՒՐԵՂԱՅԻՆ ՀԵՌՈՒՍՏԱՑՈՒՅՑԸ՝ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ
Եվրասիական տնտեսական միության մաքսային օրենսգրքի 22-րդ հոդվածի 1-ին կետի երկրորդ պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.
1. Հեղուկ բյուրեղային հեռուստացույցը, որը նախատեսված է հեռուստատեսային ազդանշաններ ընդունելու և հեռուստացույցի էկրանին տեսապատկերներն արտացոլելու համար, հագեցած է ներկառուցված TV-թյուներով, հեղուկ բյուրեղային ցուցարկչով, բարձրախոսներով, ալեհավաքի միացման համար հարակցիչով, արտաքին սարքերի (օրինակ՝ DVD նվագարկիչ, թվային տեսախցիկ, տեսախցիկ, համակարգիչ և այլն) միացման հարակցիչներով, կառավարման կոճակներով, տեղադրված ծրագրային ապահովմամբ պրոցեսորով, որն իրականացնում է մուլտիմեդիայի ֆայլերի նվագարկում՝ արտաքին կուտակիչներից, Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8528 72 200 1 ստորաենթադիրքում:
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Եվրասիական տնտեսական հանձնաժողովի կոլեգիայի նախագահ՝ Բ. Սագինտաև
Պաշտոնական հրապարակման օրը՝ 19 նոյեմբերի 2025 թվական: