ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
5 նոյեմբերի 2024 թվականի թիվ 121 քաղ. Մոսկվա
ՎԱԶՔՈՒՂԻՆԵՐԸ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ
Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.
1. Վազքուղին, որը նախատեսված է սպորտով, ֆիթնեսով, կարդիո մարզումներով և բուժական մամնամարզությամբ զբաղվելիս ֆիզիկական վարժություններ (քայլք, վազք) կատարելու համար համար, կազմված է վազելու համար հատվածով և երկայնական շարժման համար էլեկտրական շարժաբերներով շրջանակից, կառավարման վահանակով ու բռնաձողերով կոշտ հենականգնակից, Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 9506 ապրանքային դիրքում։
2. Հակագրավիտացիոն վազքուղին, որը նախատեսված է բժիշկի հսկողության ներքո վնասվածքներից և վիրահատություններից հետո պացիենտների ստորին վերջույթների վերականգնմանն ու ֆիզիոթերապիային ուղղված միջոցառումներ անցկացնելու համար, կազմված է վազելու համար հատվածով և երկայնական շարժման համար էլեկտրական շարժաբերներով շրջանակից, կառավարման վահանակով ու բռնաձողերով կոշտ հենականգնակից, հագեցած է պացիենտի համար հենարան ապահովող սարքավորումներով, որոնք նվազեցնում են ոսկրամկանային համակարգի ծանրաբեռնվածությունը, Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 9019 ապրանքային դիրքում։
3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Եվրասիական տնտեսական հանձնաժողովի կոլեգիայի նախագահ՝ Բ. Սագինտաև
Պաշտոնական հրապարակման օրը՝ 19 նոյեմբերի 2025 թվական: