ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
11 օգոստոսի 2020 թվականի թիվ 100 քաղ. Մոսկվա
ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԴԵՂԱԳՐՔԻ ՄԱՍԻՆ
«Եվրասիական տնտեսական միության մասին» 2014 թվականի մայիսի 29-ի պայմանագրի 30-րդ և 56-րդ հոդվածներին, «Սանիտարական, անասնաբուժասանիտարական և կարանտինային բուսասանիտարական միջոցների կիրառման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 12 հավելված) 14-րդ կետին, «Եվրասիական տնտեսական միության շրջանակներում դեղամիջոցների շրջանառության միասնական սկզբունքների և կանոնների մասին» 2014 թվականի դեկտեմբերի 23-ի համաձայնագրի 5-րդ հոդվածի 3-րդ կետին և Եվրասիական տնտեսական հանձնաժողովի կոլեգիայի 2015 թվականի սեպտեմբերի 22-ի թիվ 119 որոշմամբ հաստատված՝ «Եվրասիական տնտեսական միության անդամ պետությունների դեղագրքերի ներդաշնակեցման հայեցակարգին» համապատասխան՝ Եվրասիական տնտեսական հանձնաժողովի կոլեգիան որոշեց.
1. Հաստատել կից ներկայացվող Եվրասիական տնտեսական միության դեղագիրքը և այն գործողության մեջ դնել 2021 թվականի մարտի 1-ից:
2. Սահմանել, որ՝
մինչև 2026 թվականի հունվարի 1-ը բժշկական կիրառման դեղամիջոցների գրանցման դոսյեները պետք է համապատասխանեցվեն սույն որոշմամբ հաստատված՝ Եվրասիական տնտեսական միության դեղագրքի պահանջներին.
2027 թվականի դեկտեմբերի 31-ից ոչ ուշ Եվրասիական տնտեսական հանձնաժողովի խորհրդի 2022 թվականի հունվարի 21-ի «Եվրասիական տնտեսական միության մաքսային տարածքում անասնաբուժական դեղամիջոցների շրջանառության կարգավորման կանոնների մասին» թիվ 1 որոշման (այսուհետ՝ Հանձնաժողովի խորհրդի թիվ 1 որոշում) 2-րդ կետի «ա» ենթակետին համապատասխան գրանցված անասնաբուժական դեղապատրաստուկների գրանցման դոսյեները և Հանձնաժողովի խորհրդի թիվ 1 որոշման 2-րդ կետի «գ» ենթակետով նախատեսված գրանցման հավաստագրերով անասնաբուժական դեղապատրաստուկների գրանցման դոսյեները պետք է համապատասխանեցվեն Եվրասիական տնտեսական միության դեղագրքի պահանջներին.
Հանձնաժողովի խորհրդի թիվ 1 որոշման 2-րդ կետի «բ» ենթակետին համապատասխան գրանցված անասնաբուժական դեղապատրաստուկների գրանցման դոսյեները պետք է համապատասխանեցվեն Եվրասիական տնտեսական միության դեղագրքի պահանջներին մինչև Հանձնաժողովի խորհրդի թիվ 1 որոշման 2-րդ կետի «դ» ենթակետի համաձայն՝ դրանց գրանցման հավաստագրերի գործողության ժամկետը լրանալու ամսաթիվը։
(2-րդ կետը խմբ. ԵՏՀԿ 25.06.24 թիվ 75)
3. Սույն որոշումն ուժի մեջ է մտնում դրա պաշտոնական հրապարակման օրվանից 180 օրացուցային օրը լրանալուց հետո։
Եվրասիական տնտեսական հանձնաժողովի կոլեգիայի նախագահ՝ Մ. Մյասնիկովիչ
ՀԱՍՏԱՏՎԱԾ ԵՆ
Եվրասիական տնտեսական հանձնաժողովի
կոլեգիայի 2020 թվականի օգոստոսի 11-ի
թիվ 100 որոշմամբ
(հավելվածը փոփ., խմբ., լրաց. ԵՏՀԿ 25.10.22 թիվ 150, ԵՏՀԿ 25.06.24 թիվ 75)
Պաշտոնական հրապարակման օրը՝ 6 մայիսի 2022 թվական: