«Վավերացնում եմ»
Հայաստանի Հանրապետության
Նախագահ Ռ. Քոչարյան
9 հունվարի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
22 դեկտեմբերի 2005 թվականի N 2243-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀՈՂԱՅԻՆ ՖՈՆԴԻ ԱՌԿԱՅՈՒԹՅԱՆ ԵՎ ԲԱՇԽՄԱՆ ՄԱՍԻՆ ՀԱՇՎԵՏՎՈՒԹՅԱՆ (ՀՈՂԱՅԻՆ ՀԱՇՎԵԿՇՌԻ) ՄԱՍԻՆ
Համաձայն Հայաստանի Հանրապետության հողային օրենսգրքի 34-րդ հոդվածի և Հայաստանի Հանրապետության կառավարության 2000 թվականի հոկտեմբերի 23-ի N 656 որոշմամբ հաստատված կարգի պահանջների` Հայաստանի Հանրապետության կառավարությունը որոշում է.
1. Ընդունել ի գիտություն Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից ներկայացված` Հայաստանի Հանրապետության հողային ֆոնդի առկայության և բաշխման մասին հաշվետվությունը (հողային հաշվեկշիռը)`
հազ. հեկտար, որից` ոռոգվող
Հանրապետության տարածքը 2974.3 232.9
այդ թվում`
1.1. Հայաստանի Հանրապետության հողային ֆոնդը` ըստ նպատակային նշանակության`
ա) գյուղատնտեսական նշանակության հողեր 2135.3 179.7
որից` վարելահող 457.7 145.0
բազմամյա տնկարկ 29.0 28.2
խոտհարք 127.8 3.1
արոտ 885.1 2.1
այլ հողեր 635.7 1.3
բ) բնակավայրերի հողեր 133.9 51.1
որից` տնամերձ և այգեգործական
(ամառանոցային) հողեր 84.2 48.5
գ) արդյունաբերության, ընդերքօգտագործման
և այլ արտադրական նշանակության հողեր 20.9 0.1
դ) էներգետիկայի, տրանսպորտի, կապի և
կոմունալ ենթակառուցվածքների օբյեկտների հողեր 9.1 -
ե) հատուկ պահպանվող տարածքների հողեր 187.8 0.7
զ) հատուկ նշանակության 29.5 -
է) անտառային 398.0 1.4
ը) ջրային 22.1 -
թ) պահուստային (այդ թվում` նպատակային նշանակությունը
դեռևս չճշտված) 37.7 -
1.2. Հայաստանի Հանրապետության հողային ֆոնդը` ըստ սեփականության սուբյեկտների`
ա) քաղաքացիների` 486.8
բ) իրավաբանական անձանց` 0.6
գ) համայնքային` 775.9
դ) պետական` 1711.0
ընդամենը` հանրապետությունում 2974.3
2. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին` ավարտել Հայաստանի Հանրապետության մնացած 238 համայնքների և Երևան քաղաքի վարչական սահմաններում, ինչպես նաև համայնքների վարչական սահմաններից դուրս գտնվող հողերի սկզբնական հաշվառման աշխատանքներն ու 2006 թվականի հուլիսի 1-ի դրությամբ կազմել Հայաստանի Հանրապետության հողային հաշվեկշիռը և այն սահմանված կարգով ներկայացնել Հայաստանի Հանրապետության կառավարության հաստատմանը:
Հայաստանի Հանրապետության
վարչապետ Ա. Մարգարյան
2005 թ. դեկտեմբերի 29
Երևան