ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
22 հունվարի 2026 թվականի N 77-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ ՄԱՐՏԻ 2-Ի N 269-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» օրենքի 33-րդ, 34-րդ հոդվածների 1-ին մասերի պահանջներով` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2023 թվականի մարտի 2-ի «Պետական կամ համայնքային կազմակերպությունների արտադպրոցական ծրագրեր իրականացնող մանկավարժական աշխատողների կամավոր ատեստավորման և Հայաստանի Հանրապետության պետական բյուջեից լրավճարի տրամադրման կարգը սահմանելու մասին» N 269-Ն որոշման մեջ կատարել հետևյալ լրացումները և փոփոխությունը՝
1) որոշումը լրացնել հետևյալ բովանդակությամբ նոր՝ 2.1-ին կետով.
«2.1. Սահմանել, որ սույն որոշման հավելվածի 69-րդ կետով սահմանված պահանջները տարածվում են 2025 թվականից սկսած կամավոր ատեստավորման դրական արդյունք ցուցաբերած մանկավարժական աշխատողների վրա։».
2) որոշման հավելվածի 67-րդ կետը շարադրել հետևյալ խմբագրությամբ.
«67. Ատեստավորում անցած մանկավարժական աշխատողն այլ հաստատությունում՝
1) ատեստավորում անցած ուղղությամբ համատեղությամբ աշխատելու դեպքում լրավճար ստանում է և՛ հիմնական, և՛ համատեղությամբ աշխատավայրից այն ծանրաբեռնվածության նկատմամբ, որի հանրագումարը չի կարող գերազանցել աշխատանքային օրենսգրքով սահմանված առավելագույն աշխատաժամանակը.
2) ատեստավորում անցած ուղղությունից տարբերվող ուղղությամբ համատեղությամբ աշխատելու և ատեստավորված չլինելու դեպքում լրավճար ստանում է միայն հիմնական աշխատավայրից.
3) ատեստավորված ուղղությունից տարբերվող ուղղությամբ ատեստավորվելու և համատեղությամբ աշխատելու դեպքում ստանում է և՛ հիմնական, և՛ համատեղությամբ աշխատավայրից այն ծանրաբեռնվածության նկատմամբ, որի հանրագումարը չի կարող գերազանցել աշխատանքային օրենսգրքով սահմանված առավելագույն աշխատաժամանակը:».
3) հավելվածը լրացնել հետևյալ բովանդակությամբ նոր՝ 69-րդ կետով.
«69. Յուրաքանչյուր ատեստավորված ուղղության համար մանկավարժական աշխատողին տրամադրվում է լրավճար ցուցաբերած արդյունքի, ինչպես նաև այն ծանրաբեռնվածության նկատմամբ, որի հանրագումարը չի կարող գերազանցել աշխատանքային օրենսգրքով սահմանված առավելագույն աշխատաժամանակը:»։
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
Հայաստանի Հանրապետության
փոխվարչապետ Մ. Գրիգորյան
Երևան
22.01.2026
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
Պաշտոնական հրապարակման օրը՝ 22 հունվարի 2026 թվական: