ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԳՈՒՅՔ ՕՏԱՐԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

«Վավերացնում եմ»

Հայաստանի Հանրապետության

Նախագահ Ռ. Քոչարյան

28 փետրվարի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 հունվարի 2005 թվականի N 147-Ա

ԳՈՒՅՔ ՕՏԱՐԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 129-րդ ու 168-րդ և Հայաստանի Հանրապետության հողային օրենսգրքի 2-րդ ու 63-րդ հոդվածները` Հայաստանի Հանրապետության կառավարությունը որոշում է.

1. Լիազորել Հայաստանի Հանրապետության պաշտպանության նախարարին տնօրինել Հայաստանի Հանրապետության պաշտպանության նախարարության տիրապետմանը կամ օգտագործմանը հանձնված (ամրացված)` պետական սեփականություն հանդիսացող հողամասերը, այդ թվում` ուղղակի վաճառքի ձևով օտարելու միջոցով:

(1-ին կետը խմբ. 31.03.05 N 392-Ա)

2. Հայաստանի Հանրապետության մարզպետներին և Երևանի քաղաքապետին` Հայաստանի Հանրապետության օրենսդրությամբ սահմանված կարգով ապահովել սույն որոշման 1-ին կետում նշված օտարվող հողամասերի հատակագծերի տրամադրումը:

3. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին` սույն որոշման 1-ին կետում նշված հողամասերի նկատմամբ սեփականության իրավունքի գրանցումն իրականացնել Հայաստանի Հանրապետության պաշտպանության նախարարության և գնորդի միջև կնքված պայմանագրի հիման վրա, դրանք կնքելուց հետո` մեկամսյա ժամկետում:

4. Սահմանել, որ սույն որոշման 3-րդ կետում նշված սեփականության իրավունքի գրանցումից հետո դադարում են հողամասերի նկատմամբ Հայաստանի Հանրապետության պաշտպանության նախարարության գույքային իրավունքները, իսկ հողամասերի օտարումից ստացված միջոցներն ուղղվում են Հայաստանի Հանրապետության պաշտպանության նախարարության արտաբյուջետային հաշվին:

(4-րդ կետը խմբ. 31.03.05 N 392-Ա)

 Հայաստանի Հանրապետության

վարչապետ Ա. Մարգարյան

2005 թ. հունվարի 26

Երևան