ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ ՆԱԽԱԳԱՀՈՒԹՅԱՆ
Ո Ր Ո Շ ՈՒ Մ Ը
1994 ԹՎԱԿԱՆԻ ՀՈՒՆՎԱՐԻ 31-ԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ ԱՐՏԱՀԵՐԹ ՆՍՏԱՇՐՋԱՆ ՀՐԱՎԻՐԵԼՈՒ ՄԱՍԻՆ
Հայաստանի Հանրապետության Գերագույն խորհրդի կանոնակարգի 60 հոդվածի համաձայն Հայաստանի Հանրապետության Գերագույն խորհրդի նախագահությունը որոշում է.
1. 1994 թվականի հունվարի 31-ին հրավիրել Հայաստանի Հանրապետության Գերագույն խորհրդի արտահերթ նստաշրջան` հետևյալ օրակարգով.
1994 թվականի առաջին եռամսյակի պետական բյուջեի մասին
Ֆինանսավարկային և բյուջետային հարցերի մշտական հանձնաժողով,
Հայաստանի Հանրապետության կառավարություն,
Հայաստանի Հանրապետության կենտրոնական բանկ
«Գույքահարկի մասին» Հայաստանի Հանրապետության օրենքի նախագծի մասին
«Հողի հարկի մասին» Հայաստանի Հանրապետության օրենքի նախագծի մասին
«Շահութահարկի մասին» Հայաստանի Հանրապետության օրենքում փոփոխություններ և լրացումներ կատարելու մասին» Հայաստանի Հանրապետության օրենքի նախագծի մասին
«Շահութահարկի մասին» Հայաստանի Հանրապետության օրենքը կիրարկելու մասին» Հայաստանի Հանրապետության Գերագույն խորհրդի 1991 թվականի դեկտեմբերի 25-ի որոշման մեջ լրացում կատարելու մասին» Հայաստանի Հանրապետության Գերագույն խորհրդի որոշման նախագծի մասին
Եկամտահարկի և շահութահարկի հաստատագրված վճարումներով հարկվող տնտեսական գործունեության առանձին տեսակների համար նախկին ԽՍՀՄ օրենսդրությամբ սահմանված և Հայաստանի Հանրապետությունում գործող եկամտահարկի արտոնությունների, ինչպես նաև «Շահութահարկի մասին» Հայաստանի Հանրապետության օրենքի 6-րդ գլխի գործողությունը կասեցնելու մասին Հայաստանի Հանրապետության օրենքի նախագծի մասին
«Եկամտահարկի հաստատագրված վճարումների, ինչպես նաև եկամտահարկի և շահութահարկի հաստատագրված վճարումներով հարկվող տնտեսական գործունեության առանձին տեսակների համար հարկային արտոնություններ սահմանելու մասին» Հայաստանի Հանրապետության օրենքի նախագծի մասին
«Եկամտահարկի հաստատագրված վճարումների, ինչպես նաև եկամտահարկի և շահութահարկի հաստատագրված վճարումներով հարկվող տնտեսական գործունեության առանձին տեսակների համար հարկային արտոնություններ սահմանելու մասին» Հայաստանի Հանրապետության օրենքը կիրարկելու մասին» Հայաստանի Հանրապետության Գերագույն խորհրդի որոշման նախագծի մասին
«Հայաստանի Հանրապետությունում հարկերի և տուրքերի մասին» Հայաստանի Հանրապետության օրենքում լրացում և փոփոխություն կատարելու մասին» Հայաստանի Հանրապետության օրենքի նախագծի մասին
Ֆինանսավարկային և բյուջետային հարցերի մշտական հանձնաժողով,
Հայաստանի Հանրապետության կառավարություն
2. Առաջարկել`
ա) Հայաստանի Հանրապետության Գերագույն խորհրդի ֆինանսավարկային և բյուջետային հարցերի մշտական հանձնաժողովին` ապահովել սույն որոշման 1-ին կետում նշված օրենքների և որոշումների նախագծերի քննարկման նախապատրաստումը: Գերագույն խորհրդի նախագահության հաստատմանը ներկայացնել հիշյալ նախագծերի քննարկումների համաձայնեցված գրաֆիկ.
բ) Հայաստանի Հանրապետության Գերագույն խորհրդի տնտեսական ինքնուրույնության և տնտեսության զարգացման հարցերի և ֆինանսավարկային և բյուջետային հարցերի մշտական հանձնաժողովներին` Գերագույն խորհրդի նախագահության հաստատմանը ներկայացնել Հայաստանի Հանրապետության սոցիալ-տնտեսական զարգացման 1994 թվականի ծրագրի` Հայաստանի Հանրապետության Գերագույն խորհրդում քննարկումների համաձայնեցված գրաֆիկ:
Հայաստանի Հանրապետության
Գերագույն խորհրդի նախագահի
առաջին տեղակալ` Ա. ՍԱՀԱԿՅԱՆ
14 հունվարի 1994 թվականի,
քաղ. Երևան
Հ. Նխ-604-I.