ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԱՎԱԳԱՆԻ
12 մարտի 2026 թ. N 520-Ն
Ո Ր Ո Շ ՈՒ Մ
ԵՐԵՎԱՆ ՔԱՂԱՔԻ ԱՎԱԳԱՆՈՒ 2012 ԹՎԱԿԱՆԻ ՄԱՐՏԻ 16-Ի N 405-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածներով՝
Երևան քաղաքի ավագանին որոշում է.
1. Երևան քաղաքի ավագանու 2012 թվականի մարտի 16-ի «Քաղաքաշինական նորմատիվ-տեխնիկական փաստաթղթերով սահմանված նորմերի Երևանում իրականացման լրացուցիչ պայմանների կարգը սահմանելու մասին» N 405-Ն որոշման հավելվածում կատարել հետևյալ լրացումները և փոփոխությունները.
1) 5-րդ կետում «քաղաքաշինության և հողի վերահսկողության վարչությունը,» բառերը փոխարինել «շինարարության և բարեկարգման, քաղաքաշինության և հողի վերահսկողության վարչությունները,» բառերով.
2) 7-րդ կետի 12-րդ ենթակետի «է» պարբերությունում «հատվածները,» բառից հետո լրացնել «, ապահովել խրամուղու ամբողջ երկայնքով վերականգնվող հատվածի առանց շեղումների՝ մեկ ընդհանուր և ուղիղ եզրագիծ, ճանապարհի երթևեկելի գոտու կամ մայթի տվյալ հատվածի ասֆալտ-բետոնյա նոր ծածկի ստեղծում,» բառերը.
3) 7-րդ կետի 12-րդ ենթակետի «ը» պարբերությունում «խճածածկի» բառից հետո լրացնել «(խճածածկը ամբողջությամբ պետք է պատված լինի բիտումային էմուլսիայով)» բառերը.
4) 7-րդ կետի 12-րդ ենթակետի «ժդ» պարբերությունում «50» թիվը փոխարինել «5» թվով, իսկ «100» թիվը «10» թվով:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Երևանի քաղաքապետ` Տ. Ավինյան
2026 թ. մարտի 12
Երևան
Պաշտոնական հրապարակման օրը՝ 20 մարտի 2026 թվական: