ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
«10» ապրիլ 2026 թ. N 1945-Ա
Հ Ր Ա Մ Ա Ն
2002 ԹՎԱԿԱՆԻՑ ՄԻՆՉԵՎ 2019 ԹՎԱԿԱՆԻ ՀՈՒՆԻՍԻ 14-Ը ՆԵՐԱՌՅԱԼ ՀՀ ՄԱՐԶԵՐՈՒՄ ԱՐՏԱՀԻՎԱՆԴԱՆՈՑԱՅԻՆ ԵՎ ՀԻՎԱՆԴԱՆՈՑԱՅԻՆ ՊԱՅՄԱՆՆԵՐՈՒՄ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԻՐԱԿԱՆԱՑՄԱՆ ՀԱՄԱՐ ԼԻՑԵՆԶԱՎՈՐՎԱԾ ԱՆՁԱՆՑ ՏՐՎԱԾ ՄԻ ՇԱՐՔ ԼԻՑԵՆԶԻԱՆԵՐԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հիմք ընդունելով «Լիցենզավորման մասին» օրենքի 9-րդ հոդվածի 1-ին մասը, ««Լիցենզավորման մասին» օրենքում լրացում կատարելու մասին» ՀՕ-192-Ն օրենքի 2-րդ հոդվածի 2-րդ մասի 4-րդ և 5-րդ կետերը, 3-րդ մասը և հաշվի առնելով լիցենզավորման հանձնաժողովի 2026 թվականի ապրիլի 08-ի եզրակացությունը`
Հրամայում եմ՝
1. Ուժը կորցրած ճանաչել սույն հրամանի հավելվածի աղյուսակում ներառված 2002 թվականից մինչև 2019 թվականի հունիսի 14-ը ներառյալ ՀՀ մարզերում արտահիվանդանոցային և հիվանդանոցային պայմաններում բժշկական օգնության և սպասարկման իրականացման լիցենզիաները:
2. Առողջապահության նախարարության լիցենզավորման գործակալության պետ Վահե Ալեքսանյանին`
1) ապահովել լիցենզիաների դադարեցման մասին տեղեկությունների գրանցումը համապատասխան գրանցամատյանում,
2) եռօրյա ժամկետում ապահովել սույն հրամանի առաքումը նորմատիվ իրավական ակտերը հրապարակող մարմին և Պետական եկամուտների կոմիտե:
3. Առողջապահության նախարարության քարտուղարության պետ Աստղիկ Առաքելյանին` եռօրյա ժամկետում ապահովել սույն հրամանի առաքումը սույն հրամանի հավելվածի աղյուսակում ներառված իրավաբանական անձանց և անհատ ձեռնարկատերերին:
4. Սույն հրամանն սույն հրամանի հավելվածի աղյուսակում ներառված լիցենզիաներից յուրաքանչյուրի մասով ուժի մեջ է մտնում համապատասխան լիցենզավորված անձի կողմից սույն հրամանի հավելվածում նշված լիցենզիայով նախատեսված պայմանով, տեսակներով և վայրում հայտ ներկայացնելու և այն բավարարվելու արդյունքում նոր լիցենզիան տրամադրելու օրվանից: Իսկ նոր լիցենզիայի տրամադրելու ժամկետը հիվանդանոցային պայմաններում` 2026 թվականի հունիսի 15-ը գերազանցելու դեպքում կամ չլիցենզավորվելու դեպքում` սույն հրամանը ուժի մեջ է մտնում 2026 թվականի հունիսի 16-ին, իսկ արտահիվանդանոցային պայմաններում` 2026 թվականի դեկտեմբերի 15-ը գերազանցելու դեպքում կամ չլիցենզավորվելու դեպքում` 2026 թվականի դեկտեմբերի 16-ին:
5. Սույն հրամանը կարող է բողոքարկվել Առողջապահության նախարարություն, ինչպես նաև Վարչական դատավարության օրենսգրքի 219-րդ հոդվածի 1-ին մասի համաձայն վարչական դատարան՝ վարչական ակտն ստանալուց հետո՝ տասնհինգօրյա ժամկետում:
Ա. ԱՎԱՆԵՍՅԱՆ
Հավելված
Առողջապահության նախարարի
«10» ապրիլ 2026 թ. N 1945-Ա հրամանի