ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԿԱՊԱՆԻ ՀԱՆՔԱԴԱՇՏԻ ՈՐՈՇ ՀՈՐԱՆՆԵՐ ՀՀ ԱՐԴՅՈՒՆԱԲԵՐՈՒԹՅԱՆ ՆԱԽԱՐԱՐՈՒԹՅԱՆ ՏՆՕՐԻՆՈՒԹՅԱՆԸ ՀԱՆՁՆԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 մայիսի 1994 թ. N 208

Քաղ. Երևան

ԿԱՊԱՆԻ ՀԱՆՔԱԴԱՇՏԻ ՈՐՈՇ ՀՈՐԱՆՆԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴՅՈՒՆԱԲԵՐՈՒԹՅԱՆ ՆԱԽԱՐԱՐՈՒԹՅԱՆ ՏՆՕՐԻՆՈՒԹՅԱՆԸ ՀԱՆՁՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Կապանի հանքադաշտի Շահումյանի ոսկի-բազմամետաղական հանքավայրում երկրաբանահետախուզական աշխատանքների ավարտման կապակցությամբ «Հորան-1», «Հյուսիսային-2» և «Հարավային» հետախուզաշահագործական հորանները` ստորգետնյա և վերգետնյա կառույցներով, անավարտ շինություններով, սարքավորումներով ու հաղորդակցուղիներով, Հայաստանի Հանրապետության ընդերքի պետական վարչության տնօրինությունից հանձնել Հայաստանի Հանրապետության արդյունաբերության նախարարության տնօրինությանը:

2. Հայաստանի Հանրապետության ընդերքի պետական վարչությանը և Հայաստանի Հանրապետության արդյունաբերության նախարարությանը` մեկամսյա ժամկետում ավարտել նշված օբյեկտների սահմանված կարգով հաշվեկշռից հաշվեկշիռ հանձնման-ընդունման աշխատանքները:

ՀԱՅԱՍՏԱՆի հանրապետության

վարչապետ Հ. ԲԱԳՐԱՏՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐիչ Ա. ԽԱՉԱՏՐՅԱՆ