ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
2 հուլիսի 2026 թվականի N 947-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2026 ԹՎԱԿԱՆԻ ԱՊՐԻԼԻ 30-Ի N 588-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 34-րդ հոդվածը` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2026 թվականի ապրիլի 30-ի «Գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ սակագնային, մասնավորապես, ներմուծման մաքսատուրքից ազատելու արտոնությունից օգտվելու համար «ՄԻԹ ՖՈՒԴ» սահմանափակ պատասխանատվությամբ ընկերության կողմից ներկայացված հայտը բավարարելու և արտոնությունը կիրառելու մասին» N 588-Ա որոշման hավելվածում կատարել հետևյալ փոփոխությունները.
1) ցանկի 2-րդ կետի «ԱՏԳ ԱԱ-ի ծածկագիրը» սյունակի «0209101100» թիվը փոխարինել «0203295501» թվով.
2) ցանկի 2-րդ կետի «Անվանումը» սյունակի «Խոզի ճարպ» բառերը փոխարինել «Անոսկոր խոզի միս» բառերով.
3) ցանկի 2-րդ կետի «Տեխնիկական բնութագիրը» սյունակի «Ունի բարձր կալորիականություն (720-900 կկալ/100գ) և դյուրամարս է, բնութագրվում է սպիտակ կամ բաց վարդագույն գույնով, պինդ կառուցվածքով և ցածր հալման ջերմաստիճանով: Այն հարուստ է հագեցած և չհագեցած ճարպաթթուներով» բառերը փոխարինել «Անոսկոր խոզի միսն աչքի է ընկնում բարձր սննդային արժեքով, փափուկ հյուսվածքով, միջմկանային ճարպի զգալի պարունակությամբ։ Այն բնութագրվում է փափկությամբ, հեշտ մարսելիությամբ և բարձր կալորիականությամբ» բառերով։
Հայաստանի Հանրապետության
վարչապետ Ն. Փաշինյան
Երևան
02.07.2026
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ