ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
N 418-Ա
«ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ԲՆԱԿԵԼԻ ՏՆԵՐԻ ԵՎ ԱՌԱՆՁՆԱՏՆԵՐԻ ԿԱՀԱՎՈՐՈՒՄ» ԾՐԱԳՐԻ ՄԱՍԻՆ
Հիմք ընդունելով «Բարեգործության մասին» օրենքի 13-րդ հոդվածի 2-րդ մասի 1-ին և 3-րդ կետերը՝
1. Բարեգործական որակել «Հայաստան» համահայկական հիմնադրամի կողմից իրականացվող՝ 19,558,333.67 դրամ ընդհանուր արժողությամբ «Բնակելի տների և առանձնատների կահավորում» ծրագիրը՝ համաձայն հավելվածի:
2. Սահմանել, որ Հայաստան» համահայկական հիմնադրամի կողմից (ՀՎՀՀ՝ 02507456) կնքված՝ ստորև նշված պայմանագրերով նախատեսված գործարքներն անմիջականորեն կապված են սույն որոշման 1-ին կետում նշված ծրագրի իրականացման հետ և դրա համար ունեն զգալի նշանակություն՝
1) «Վեգա Ուորլդ» ՍՊԸ-ի հետ (ՀՎՀՀ` 02704414) 2026 թվականի մայիսի 29-ին կնքված՝ թիվ ՀՀ-ՆԳ-01/26 պայմանագրում նշված գործարքը, որով նախատեսվում է կահույքի ձեռքբերման և տեղադրման աշխատանքների իրականացում՝ 15,646,667 դրամի չափով, առանց ավելացված արժեքի հարկի.
2) «Վեգա Ուորլդ» ՍՊԸ-ի հետ (ՀՎՀՀ` 02704414) 2026 թվականի մայիսի 29-ին կնքված՝ թիվ ՀՀ-ԼԳ-01/26 պայմանագրում նշված գործարքը, որով նախատեսվում է կահույքի ձեռքբերման և տեղադրման աշխատանքների իրականացում՝ 3,911,666.67 դրամի չափով, առանց ավելացված արժեքի հարկի:
3. «Հայաստան» համահայկական հիմնադրամին՝ մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:
Հայաստանի Հանրապետության
փոխվարչապետ Տ. Խաչատրյան
Երևան
13.07.2026
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ
Հավելված
ՀՀ փոխվարչապետի
N 418-Ա որոշման
«ԲՆԱԿԵԼԻ ՏՆԵՐԻ ԵՎ ԱՌԱՆՁՆԱՏՆԵՐԻ ԿԱՀԱՎՈՐՈՒՄ» ԾՐԱԳԻՐ
1. Ծրագրի նպատակը Հայաստանի Հանրապետության փոխվարչապետի 2024 թվականի մայիսի 16-ի N 342-Ա և 2025 թվականի ապրիլի 28-ի N 270-Ա որոշումներով բարեգործական են որակվել «Հայաստան» համահայկական հիմնադրամի կողմից իրականացվող բնակելի տների և առանձնատների կառուցման ծրագրերը։ Կառուցվող տները և առանձնատները նախատեսված են Լեռնային Ղարաբաղից տեղահանված բազմազավակ ընտանիքների և 44 օրյա պատերազմի հետևանքով զոհված կամ հաշմանդամ զինծառայողների ընտանիքների համար։ Այժմ, կառուցվող տները և առանձնատները կահավորելու նպատակով նախատեսվում է ձեռք բերել գույք, տեղափոխել և տեղադրել այն կառուցվող բնակելի տներում և առանձնատներում:
2. Ծրագրի բարեգործական որակման նպատակը Նախատեսվում է ծրագրի շրջանակներում օրենքով սահմանված կարգով օգտվել ՀՀ հարկերի, տուրքերի պարտադիր վճարների գծով օրենքով սահմանված արտոնություններից:
3. Բարեգործը «Հայաստան» համահայկական հիմնադրամ (Հայաստանի Հանրապետություն, քաղաք Երևան, Բաղրամյան պողոտա 26/1, ՀՎՀՀ՝ 02507456)
4. Ծրագիրը կատարողը «Հայաստան» համահայկական հիմնադրամ (Հայաստանի Հանրապետություն, քաղաք Երևան, Բաղրամյան պողոտա 26/1, ՀՎՀՀ՝ 02507456)
5. Ծրագրի իրականացման վայրը և բնագավառը Հայաստանի Հանրապետության Արմավիրի մարզի Մեծամոր համայնքի Նալբանդյան բնակավայր և Բաղրամյան համայնքի Լեռնագոգ գյուղ, բնագավառը՝ սոցիալական
6. Ծրագրի բյուջեն 19,558,333.67 դրամ
7. Բարեգործություն ստացողը Լեռնային Ղարաբաղից տեղահանված բազմազավակ ընտանիքներ և 44 օրյա պատերազմի հետևանքով զոհված կամ հաշմանդամ զինծառայողների ընտանիքներ:
8. Ծրագրի իրականացման տևողությունը 2026 թվականի հուլիսի 6-ից մինչև 2026 թվականի նոյեմբերի 30-ը
9. Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը 1) Հայաստանի Հանրապետության Արմավիրի մարզի Մեծամոր համայնքի Նալբանդյան բնակավայրում կառուցվող թվով 4 բնակելի տան (յուրաքանչյուրը համակցված երկու բնակարանով) համար նախատեսվում է ձեռք բերել, տեղափոխել և տեղադրել մահճակալներ, զգեստապահարաններ, հագուստի կախիչներ, դարակաշարեր, կախովի պահարաններ, պահարան լվացարանի համար հարակից դարակներով, ճաշասեղաններ և աթոռներ։ Իրականացվելու է 2026 թվականի հուլիսի 6-ից մինչև 2026 թվականի նոյեմբերի 30-ն ընկած ժամանակահատվածում՝ 15,646,667 դրամի չափով.
2) Հայաստանի Հանրապետության Արմավիրի մարզի Բաղրամյան համայնքի Լեռնագոգ գյուղում կառուցվող թվով 2 առանձնատան համար նախատեսվում է ձեռք բերել, տեղափոխել և տեղադրել մահճակալներ, զգեստապահարաններ, հագուստի կախիչներ, դարակաշարեր, կախովի պահարաններ, պահարան լվացարանի համար հարակից դարակներով, ճաշասեղաններ և աթոռներ։ Իրականացվելու է 2026 թվականի հուլիսի 6-ից մինչև 2026 թվականի նոյեմբերի 30-ն ընկած ժամանակահատվածում՝ 3,911,666.67 դրամի
չափով։
10. Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը 1) Հայաստանի Հանրապետության Արմավիրի մարզի Մեծամոր համայնքի Նալբանդյան բնակավայրում կառուցվող թվով 4 բնակելի տան (յուրաքանչյուրը համակցված երկու բնակարանով) համար գույքի պատրաստման, գնման, տեղափոխման և տեղադրման աշխատանքների իրականացում՝ 15,646,667 դրամի չափով.
2) Հայաստանի Հանրապետության Արմավիրի մարզի Բաղրամյան համայնքի Լեռնագոգ գյուղում կառուցվող թվով 2 առանձնատան համար գույքի պատրաստման, գնման, տեղափոխման և տեղադրման աշխատանքների իրականացում՝ 3,911,666.67 դրամի
չափով։
11. Ծրագրի իրականացման հետ կապված կազմակերպական ծախսերը Նախատեսված չեն:
12. Համագործակցությունը պետական կառավարման, տեղական ինքնակառավարման մարմինների, այլ
կազմակերպությունների հետ Համագործակցություն չի նախատեսվում:
13. Ծրագրի արդյունավետության
նկատմամբ վերահսկողության մեխանիզմների նկարագրությունը Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված «Բարեգործական ծրագրերը բարեգործական որակելու և գրանցելու կարգի» 25-րդ կետով սահմանված կարգով կներկայացվեն տեղեկություններ:
Հայաստանի Հանրապետության
փոխվարչապետ Տ. Խաչատրյան
13.07.2026
ՀԱՎԱՍՏՎԱԾ Է
ԷԼԵԿՏՐՈՆԱՅԻՆ
ՍՏՈՐԱԳՐՈՒԹՅԱՄԲ