ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ «ՀԱՅԱԳՐՈՍՊԱՍԱՐԿՈՒՄ» ՀԱՄ-ԻՆ ՀԱՏԿԱՑՎԱԾ ՎԱՐԿԻ ՄԱՐՄԱՆ ԺԱՄԿԵՏԸ ԵՐԿԱՐԱՁԳԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 հոկտեմբերի 1993 թ. N 548

Քաղ. Երևան

«ՀԱՅԱԳՐՈՍՊԱՍԱՐԿՈՒՄ» ՀԱՄ-ԻՆ ՀԱՏԿԱՑՎԱԾ ՎԱՐԿԻ ՄԱՐՄԱՆ ԺԱՄԿԵՏԸ ԵՐԿԱՐԱՁԳԵԼՈՒ ՄԱՍԻՆ

Ելնելով ցրտահերկի, ձմռան նախապատրաստման և 1994 թվականի գարնանացանի ու մյուս գյուղատնտեսական աշխատանքների կատարման համար էներգակիրների, քսանյութերի, պահեստամասերի ձեռքբերման և հանրապետություն ներկրման անհրաժեշտությունից, Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1993 թվականի հունվարի 23-ի «Հայաստանի Հանրապետության Գերագույն խորհրդի 1992 թվականի դեկտեմբերի 25-ի «Վառելիքաէներգետիկ ռեսուրսների ձեռքբերման և մյուս միջոցառումների համար վարկային էմիսիա տրամադրելու մասին» Հայաստանի Հանրապետության կառավարության առաջարկությունը հիմք ընդունելու մասին» որոշմամբ թույլատրված վարկային էմիսիայի հաշվին հանրապետության կենսագործունեության համար անհրաժեշտ ծախսերի ֆինանսավորման մասին» N 15 որոշմամբ էներգակիրների և պահեստամասերի ձեռքբերման համար հատկացված, Հայաստանի Հանրապետության կառավարության 1993 թվականի ապրիլի 10-ի N 164 որոշմամբ մարման ժամկետը մինչև 1993 թվականի հոկտեմբերի 1-ը երկարաձգված, սակայն չմարված 1011 մլն ռուբլի վարկի մարման ժամկետը երկարաձգել մինչև 1994 թվականի ապրիլի 1-ը։

Երկարաձգված վարկը օգտագործել. էներգակիրների և քսանյութերի ձեռքբերման համար` 981 մլն ռուբլի, պահեստամասերի ձեռքբերման համար` 30 մլն ռուբլի։

2. Հայաստանի Հանրապետության ֆինանսների նախարարությանը, Հայպետագրոբանկին և Հայաստանի Հանրապետության գյուղատնտեսության նախարարությանը՝ «Հայագրոսպասարկում» ՀԱՄ-ի 1993 թվականի տարեկան ամփոփ հաշվետվության հիման վրա մինչև 1994 թվականի մարտի 20-ը առաջարկություն ներկայացնել Հայաստանի Հանրապետության կառավարություն սույն որոշմամբ երկարաձգված վարկի սահմանված ժամկետում մարման մասին։

Հայաստանի Հանրապետության

վարչապետ Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ

ԿԱՌԱՎԱՐԻՉ Ա. ԽԱՉԱՏՐՅԱՆ