ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
5 հոկտեմբերի 1993 թվականի N 506
Քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲԱՐՁՐԱԳՈՒՅՆ, ՄԻՋՆԱԿԱՐԳ-ՄԱՍՆԱԳԻՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ԵՎ ՔՈԼԵՋՆԵՐԻ ԴԻՄՈՐԴՆԵՐԻՑ ԳԱՆՁՎՈՂ ՎՃԱՐԻ ՉԱՓԻ ԵՎ ԴՐԱՆԻՑ ԳԱՆՁՎՈՂ ԱՎԵԼԱՑՎԱԾ ԱՐԺԵՔԻ ՀԱՐԿԻ ՄԱՍԻՆ
Հայաստանի Հանրապետության պետական բարձրագույն, միջնակարգ-մասնագիտական ուսումնական հաստատություններում և քոլեջներում 1993/94 ուսումնական տարվա ընդունելության քննությունները կենտրոնացված կարգով կազմակերպելու ու անցկացնելու համար բարենպաստ պայմաններ ստեղծելու նպատակով Հայաստանի Հանրապետության կառավարությունը որոշում է.
1. Ընդունել Հայաստանի Հանրապետության բարձրագույն կրթության և գիտության նախարարության առաջարկությունը Հայաստանի Հանրապետության պետական քոլեջներում և միջնակարգ-մասնագիտական ուսումնական հաստատություններում 1993/94 ուսումնական տարվա ընդունելության քննությունները կենտրոնացված կարգով կազմակերպելու նպատակով յուրաքանչյուր դիմորդից 250 ռուբլի գանձելու վերաբերյալ:
2. Հաշվի առնելով Հայաստանի Հանրապետության Գերագույն խորհրդի ֆինանսավարկային և բյուջետային հարցերի մշտական հանձնաժողովի համաձայնությունը, Հայաստանի Հանրապետության պետական բարձրագույն, միջնակարգ-մասնագիտական ուսումնական հաստատություններում և քոլեջներում 1993/94 ուսումնական տարվա ընդունելության քննությունների կազմակերպման ու անցկացման ծառայությունների դիմաց դիմորդներից գանձվող վճարն ազատել ավելացված արժեքի հարկից:
Հայաստանի Հանրապետության
վարչապետ Հ. ԲԱԳՐԱՏյան
Հայաստանի Հանրապետության
ԿԱՌԱՎԱՐՈՒԹՅԱՆ ԳՈՐԾԵՐԻ
ԿԱՌԱՎԱՐիչ Ա. ԽԱՉԱՏՐՅԱՆ