ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ
ՆԱԽԱՐԱՐ
«24» հուլիսի 2026 թ.
ք. Երևան N 1851-Ա
Հ Ր Ա Մ Ա Ն
«ԱՎՏՈ ՏԵԽ ԳՐՈՒՊ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՏԵԽՆԻԿԱԿԱՆ ԶՆՆՈՒԹՅԱՆ ԳՈՐԾՈՒՆԵՈՒԹՅԱՆ N ՏՄՏԶ 00070 ԼԻՑԵՆԶԻԱՅԻ ՎԵՐԱՁԵՎԱԿԵՐՊՄԱՆ ՄԱՍԻՆ
Ղեկավարվելով «Լիցենզավորման մասին» օրենքի 9-րդ հոդվածով, 32-րդ հոդվածի 1-ին մասով, Հայաստանի Հանրապետության վարչապետի 2019 թվականի հունիսի 1-ի թիվ 659-Լ որոշման հավելվածի 19-րդ կետի 20-րդ ենթակետով և հիմք ընդունելով Վանաձոր համայնքի ղեկավարի 2026 թվականի մայիսի 13-ի N 945 որոշումը և «ԱՎՏՈ ՏԵԽ ԳՐՈՒՊ» սահմանափակ պատասխանատվությամբ ընկերության 2026 թվականի հուլիսի 8-ին ներկայացրած դիմումը՝
ՀՐԱՄԱՅՈՒՄ ԵՄ
1. Գտնվելու վայրի հասցեի փոփոխման հիմքով պայմանավորված՝ «ԱՎՏՈ ՏԵԽ ԳՐՈՒՊ» սահմանափակ պատասխանատվությամբ ընկերության տրանսպորտային միջոցների տեխնիկական զննության գործունեության N ՏՄՏԶ 00070 լիցենզիան վերաձևակերպել՝ «ՀՀ, Լոռու մարզ, Վանաձոր համայնք, Վանաձոր, Մ. Նալբանդյան փողոց, 24/9» բառերը փոխարինել «ՀՀ, Լոռու մարզ, Վանաձոր համայնք, ք․ Վանաձոր, Մ. Նալբանդյան փողոց 12» բառերով:
2. Ավտոմոբիլային տրանսպորտի քաղաքականության, լիցենզավորման և թույլտվությունների վարչության պետին` սույն հրամանը ստորագրվելուց հետո եռօրյա ժամկետում ծանուցել «ԱՎՏՈ ՏԵԽ ԳՐՈՒՊ» սահմանափակ պատասխանատվությամբ ընկերությանը:
3. Սույն հրամանի կատարման հսկողությունը վերապահել Տարածքային կառավարման և ենթակառուցվածքների նախարարության համապատասխան ոլորտը համակարգող նախարարի տեղակալին:
Նախարարին փոխարինող`
24.07.2026 Ա. Սիմոնյան