ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԶԲԱՂՎԱԾՈՒԹՅԱՆ ՊԵՏԱԿԱՆ ԾԱՌԱՅՈՒԹՅԱՆ ՄԱՍԻՆ

040.0379.15.09.97

«Վ ա վ ե ր ա ց ն ու մ ե մ»

Հայաստանի Հանրապետության Նախագահ

Լ. ՏԵՐ-ՊԵՏՐՈՍՅԱՆ

15 սեպտեմբերի 1997 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 սեպտեմբերի 1997 թ. N 379

քաղ. Երևան

ԶԲԱՂՎԱԾՈՒԹՅԱՆ ՊԵՏԱԿԱՆ ԾԱՌԱՅՈՒԹՅԱՆ ՄԱՍԻՆ

(վերնագիրը փոփ. 16.05.01 N 428)

«Բնակչության զբաղվածության մասին» Հայաստանի Հանրապետության օրենքի 13 հոդվածին համապատասխան, ինչպես նաև զբաղվածության ոլորտում բնակչության սպասարկումը բարելավելու նպատակով Հայաստանի Հանրապետության կառավարությունը որոշում է.

(նախաբանը փոփ. 16.05.01 N 428)

1. Հայաստանի Հանրապետությունում բնակչության զբաղվածության պետական կարգավորումն իրականացնող լիազորված պետական կառավարման մարմնի իրավասությունը վերապահել Հայաստանի Հանրապետության սոցիալական ապահովության նախարարությանը:

2. (կետն ուժը կորցրել է 16.05.01 N 428):

3. (կետն ուժը կորցրել է 14.11.02 N 1823-Ն)

4. Հայաստանի Հանրապետության մարզպետներին, Երևանի քաղաքապետին` Հայաստանի Հանրապետության սոցիալական ապահովության նախարարության զբաղվածության հանրապետական ծառայությանն ու դրա տարածքային կենտրոններին հատկացնել համապատասխան աշխատանքային տարածքներ և աջակցել դրանց գործունեության կազմակերպմանը:

(4-րդ կետը փոփ. 16.05.01 N 428)

5. Ուժը կորցրած ճանաչել Հայաստանի Հանրապետության կառավարության 1992 թվականի հունվարի 27-ի «Բնակչության զբաղվածության մասին» Հայաստանի Հանրապետության օրենքի կատարումն ապահովող միջոցառումների մասին» N 55 որոշումը:

6. Սույն որոշումն ուժի մեջ է մտնում 1997 թվականի սեպտեմբերի 15-ից:

Հայաստանի Հանրապետության

վարչապետ Ռ. ՔՈՉԱՐՅԱՆ