«Գրանցված է»
ՀՀ արդարադատության
նախարարության կողմից
20 հունիսի 2006 թ.
Պետական գրանցման թիվ 10006187
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
8 հունիսի 2006 թ.
ք. Երևան N 637-Ն
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2002 ԹՎԱԿԱՆԻ ՄԱՅԻՍԻ 2-Ի N 245 ՀՐԱՄԱՆԻ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հիմք ընդունելով «Լիցենզավորման մասին» Հայաստանի Հանրապետության օրենքի 8-րդ հոդվածի 4-րդ կետը,
ՀՐԱՄԱՅՈՒՄ ԵՄ՝
1. Հայաստանի Հանրապետության առողջապահության նախարարի 2002 թվականի մայիսի 2-ի «Լիցենզավորման հանձնաժողովի կանոնադրությունը հաստատելու մասին» N 245 հրամանում կատարել հետևյալ փոփոխությունը.
հրամանով հաստատված կանոնադրության 7-րդ կետի ա/ ենթակետը շարադրել հետևյալ խմբագրությամբ.
«ա/ քննարկում է լիցենզիա ստանալու համար դիմած կազմակերպության կամ անհատ ձեռնարկատիրոջ կողմից ներկայացված փաստաթղթերը և դրանց վերաբերյալ իրավական ապահովման և լիցենզավորման բաժինների ներկայացրած առաջարկությունները և դիտողությունները` անհրաժեշտության դեպքում ներկայացված փաստաթղթերի վերաբերյալ հայցելով նաև նախարարության աշխատակազմի այլ կառուցվածքային ստորաբաժանումների կարծիքները: Քննարկելով նշված փաստաթղթերը, դիտողությունները և առաջարկությունները հանձնաժողովը կայացնում է լիցենզիա տալու կամ լիցենզիա տալը մերժելու վերաբերյալ եզրակացություններ, որոնք ներկայացվում են ՀՀ առողջապահության նախարարին:»:
2. Նախարարի իրավական խորհրդական Ս. Քրմոյանին՝ սույն հրամանը սահմանված կարգով ներկայացնել Հայաստանի Հանրապետության արդարադատության նախարարություն՝ պետական գրանցման:
Նախարար՝ Ն. Դավիդյան