ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԳՈՒՅՔ ՕՏԱՐԵԼՈՒ ՄԱՍԻՆ

«Վավերացնում եմ»

Հայաստանի Հանրապետության

Նախագահ Ռ. Քոչարյան

21 օգոստոսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 հուլիսի 2006 թվականի N 1129-Ա

ԳՈՒՅՔ ՕՏԱՐԵԼՈՒ ՄԱՍԻՆ

Ղեկավարվելով Հայաստանի Հանրապետության քաղաքացիական օրենսգրքի 163-րդ հոդվածով` Հայաստանի Հանրապետության կառավարությունը որոշում է.

Հայաստանի Հանրապետության էներգետիկայի նախարարին` Միացյալ հայկական հիմնադրամի կողմից Հայաստանի Հանրապետության կառավարությանը նվիրատվության կարգով տրված և համաձայն Հայաստանի Հանրապետության կառավարության 2003 թվականի օգոստոսի 21-ի «Գույք հանձնելու մասին» N 1080-Ա որոշման Հայաստանի Հանրապետության էներգետիկայի նախարարության աշխատակազմի տնօրինությանը հանձնված 2.216.035.718,75 դրամ հաշվեկշռային արժեքով խոր հորատման հաստոցի և օժանդակ սարքավորումների գույքային համալիրի կազմից առանձնացնել 1.567.536.342 դրամ հաշվեկշռային արժեքով խոր հորատման հաստոցն ու հորատման համար անհրաժեշտ օժանդակ սարքավորումները և որպես գույքի մեկ միավոր` 1,0 մլն ԱՄՆ-ի դոլարին համարժեք դրամ (գույքի վաճառքի օրվա դրությամբ Հայաստանի Հանրապետության կենտրոնական բանկի կողմից սահմանված` դրամի նկատմամբ ԱՄՆ-ի մեկ դոլարի փոխարժեքով հաշվարկված) գնով` ուղղակի վաճառքի ձևով օտարել կանադական «Տրանսեվրո Էներջի» ընկերության Հայաստանի Հանրապետությունում հիմնադրած «ԹԻՄ ԷՆԵՐՋԻ» սահմանափակ պատասխանատվությամբ ընկերությանը` այդ նպատակով վերջինիս հետ կնքվող գույքի օտարման մասին պայմանագրում նախատեսելով դրույթ, որ «ԹԻՄ ԷՆԵՐՋԻ» սահմանափակ պատասխանատվությամբ ընկերությունն օտարվող գույքի գինը կվճարի նախապես` Հայաստանի Հանրապետության կառավարության անունից (հանձնարարությամբ) ամբողջ գումարը փոխանցելով «Հայաստան» համահայկական հիմնադրամի հաշվին` որպես Հայաստանի Հանրապետության կառավարության մասնակցություն հիմնադրամի կողմից իրականացվող ծրագրերին:

Հայաստանի Հանրապետության

վարչապետ Ա. Մարգարյան

2006 թ. օգոստոսի 21

Երևան