ՀՀ ՆԱԽԱԳԱՀԻ ՀՐԱՄԱՆԱԳԻՐԸ ՀՀ ԿԱՌԱՎԱՐՈՒԹՅԱՆ ԿԱՌՈՒՑՎԱԾՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

030.0577.20.05.00

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԿԱՌՈՒՑՎԱԾՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով Հայաստանի Հանրապետության Սահմանադրության 85 հոդվածի երրորդ մասով և ի փոփոխումն Հայաստանի Հանրապետության Նախագահի 1995 թվականի հուլիսի 25-ի «Հայաստանի Հանրապետության կառավարության կառուցվածքը և գործունեության կարգը սահմանելու մասին» ՆՀ-456 հրամանագրի` որոշում եմ.

1. Վերակազմակերպել բաժանման ձևով`

ա) Հայաստանի Հանրապետության առողջապահության և սոցիալական ապահովության նախարարությունը` Հայաստանի Հանրապետության առողջապահության նախարարության և Հայաստանի Հանրապետության սոցիալական ապահովության նախարարության.

բ) Հայաստանի Հանրապետության գյուղատնտեսության և բնօգտագործման նախարարությունը` Հայաստանի Հանրապետության գյուղատնտեսության նախարարության և Հայաստանի Հանրապետության բնապահպանության նախարարության:

2. Հայաստանի Հանրապետության Նախագահի 1995 թվականի հուլիսի 25-ի ՆՀ-456 հրամանագրի I բաժինը (Հայաստանի Հանրապետության Նախագահի 2000 թվականի փետրվարի 28-ի ՆՀ-490 հրամանագրի խմբագրությամբ) շարադրել հետևյալ խմբագրությամբ.

«I. Սահմանել Հայաստանի Հանրապետության կառավարության հետևյալ կառուցվածքը.

1. Ազգային անվտանգության նախարարություն

2. Առողջապահության նախարարություն

3. Արդարադատության նախարարություն

4. Արդյունաբերության և առևտրի նախարարություն

5. Արտադրական ենթակառուցվածքների գործունեությունը համակարգող նախարար

6. Արտաքին գործերի նախարարություն

7. Բնապահպանության նախարարություն

8. Գյուղատնտեսության նախարարություն

9. Էներգետիկայի նախարարություն

10. Կառավարության աշխատակազմի ղեկավար-նախարար

11. Կրթության և գիտության նախարարություն

12. Մշակույթի, երիտասարդության հարցերի և սպորտի նախարարություն

13. Ներքին գործերի նախարարություն

14. Պաշտպանության նախարարություն

15. Պետական գույքի կառավարման նախարարություն

16. Պետական եկամուտների նախարարություն

17. Սոցիալական ապահովության նախարարություն

18. Տարածքային կառավարման և քաղաքաշինության գործունեությունը համակարգող նախարարություն

19. Տրանսպորտի և կապի նախարարություն

20. Ֆինանսների և էկոնոմիկայի նախարարություն»:

3. Հայաստանի Հանրապետության կառավարությանը և Հայաստանի Հանրապետության վարչապետին` մեկամսյա ժամկետում ընդունել սույն հրամանագրից բխող համապատասխան որոշումներ:

4. Սույն հրամանագիրն ուժի մեջ է մտնում պաշտոնական հրապարակման պահից:

Հայաստանի Հանրապետության

Նախագահ Ռ. Քոչարյան

Երևան

20 մայիսի 2000 թ.

ՆՀ-577