ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԻՏԱԼԻԱՅԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԿՈՂՄԻՑ ՀՀ ԿԱՌԱՎԱՐՈՒԹՅԱՆԸ ՏՐԱՄԱԴՐՎԱԾ ԱԼՅՈՒՐԻ ԵՎ ՇԱՔԱՐԱՎԱԶԻ` ՀՀ ՆԵՐՄՈՒԾՄԱՆ ՈՒ ԲԱՇԽՄԱՆ ԾՐԱԳԻՐԸ ԲԱՐԵԳՈՐԾԱԿԱՆ ՈՐԱԿԵԼՈՒ ԵՎ ՀՀ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Վավերացնում եմ»

Հայաստանի Հանրապետության

Նախագահ Ռ. Քոչարյան

13 հուլիսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 հուլիսի 2006 թվականի N 942-Ա

ԻՏԱԼԻԱՅԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆԸ ՏՐԱՄԱԴՐՎԱԾ ԱԼՅՈՒՐԻ ԵՎ ՇԱՔԱՐԱՎԱԶԻ` ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐՄՈՒԾՄԱՆ ՈՒ ԲԱՇԽՄԱՆ ԾՐԱԳԻՐԸ ԲԱՐԵԳՈՐԾԱԿԱՆ ՈՐԱԿԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Բարեգործություն որակել Իտալիայի Հանրապետության կառավարության կողմից 2005 թվականի տարերային աղետների հետևանքները մեղմացնելու նպատակով Հայաստանի Հանրապետության կառավարությանը տրամադրված ալյուրի և շաքարավազի Հայաստանի Հանրապետություն ներմուծման ու բաշխման ծրագիրը` համաձայն հավելվածի:

2. Սահմանել, որ`

ա) Հայաստանի Հանրապետության կառավարության բարեգործական ծրագրերի համակարգման հանձնաժողովի հասցեով ստացված 2035000 կգ ալյուրը և 896850 կգ շաքարավազը Հայաստանի Հանրապետություն ներմուծվում են սույն որոշմամբ հաստատված ծրագրի շրջանակներում.

բ) սույն կետի «ա» ենթակետում նշված ալյուրի և շաքարավազի` Հայաստանի Հանրապետության տարածքում երկաթուղային փոխադրման, կայարանում մատուցվող ծառայությունների, սերտիֆիկացման, պահպանության գործարքները որակել որպես բարեգործական ծրագրի հետ անմիջականորեն կապված ու դրա համար զգալի նշանակություն ունեցող գործարքներ, այդ թվում` նաև «Տրանս ալյանս» սահմանափակ պատասխանատվությամբ ընկերության կողմից մատուցված ծառայությունները:

3. Սույն որոշման 2-րդ կետի «ա» ենթակետում նշված ալյուրի և շաքարավազի երկաթուղային փոխադրումների և կայարանում մատուցված ծառայությունների դիմաց «Հայկական երկաթուղի» փակ բաժնետիրական ընկերությանը` 1475150 դրամ (առանց ավելացված արժեքի հարկի) և «Երևանի բեռնման-բեռնաթափման ուղեմաս» պետական փակ բաժնետիրական ընկերությանը` 1983200 դրամ (առանց ավելացված արժեքի հարկի) գումարների փոխհատուցման նպատակով Հայաստանի Հանրապետության կառավարության աշխատակազմին հատկացնել 3458350 դրամ` Հայաստանի Հանրապետության 2006 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Այլ ծառայությունների ձեռքբերման ծախսեր» հոդվածով):

Հայաստանի Հանրապետության

վարչապետ Ա. Մարգարյան

2006 թ. հուլիսի 11

Երևան

Հավելված

ՀՀ կառավարության 2006 թվականի

հուլիսի 6-ի N 942-Ա որոշման

ԻՏԱԼԻԱՅԻ ՀԱՆՐԱՊԵՏՈՒԹՅԱՆ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆԸ ՄԱՐԴԱՍԻՐԱԿԱՆ ՕԳՆՈՒԹՅԱՆ ԿԱՐԳՈՎ ՏՐԱՄԱԴՐՎՈՂ ԱԼՅՈՒՐԻ ԵՎ ՇԱՔԱՐԱՎԱԶԻ ԲԱՇԽՈՒՄԸ

Շահառուները Ալյուր (կգ) Շաքարավազ (կգ)

ՀՀ Արագածոտնի մարզ 244550 97200

ՀՀ Արարատի մարզ 165950 66380

ՀՀ Արմավիրի մարզ 286650 114160

ՀՀ Գեղարքունիքի մարզ 115950 46400

ՀՀ Լոռու մարզ 312250 125900

ՀՀ Կոտայքի մարզ 126350 50460

ՀՀ Շիրակի մարզ 276350 128440

ՀՀ Սյունիքի մարզ 151000 77600

ՀՀ Վայոց ձորի մարզ 7950 11100

ՀՀ Տավուշի մարզ 159000 63600

Լեռնային Ղարաբաղի

Հանրապետություն 180000 100000

երևանի N 4 գիշերօթիկ

օժանդակ դպրոց 3000

3000

երևանի N 6 գիշերօթիկ

օժանդակ դպրոց 3000 3000

երևանի N 16 գիշերօթիկ

օժանդակ դպրոց 3000 3000

Վանաձորի մանկատուն 1400

«Զատիկ» մանկատուն 3000

Գավառի մանկատուն 2000

Ընդամենը 2,035,000 896,840

Հայաստանի Հանրապետության

կառավարության աշխատակազմի

ղեկավար-նախարար Մ. Թոփուզյան