ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԴԻԼԻՋԱՆ ՔԱՂԱՔԻ ՏԱՐԱԾՔՈՒՄ` ԱՂՍՏԵՎ ԳԵՏԻ ՀՈՒՆԻ ՄԱՔՐՄԱՆ ՈՒ ԱՓԵՐԻ ԱՄՐԱՑՄԱՆ ՄԻՋՈՑԱՌՈՒՄՆԵՐԻ ԵՎ ՀՀ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Վավերացնում եմ»

Հայաստանի Հանրապետության

Նախագահ Ռ. Քոչարյան

4 մայիսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 մայիսի 2006 թվականի N 548-Ա

ԴԻԼԻՋԱՆ ՔԱՂԱՔԻ ՏԱՐԱԾՔՈՒՄ` ԱՂՍՏԵՎ ԳԵՏԻ ՀՈՒՆԻ ՄԱՔՐՄԱՆ ՈՒ ԱՓԵՐԻ ԱՄՐԱՑՄԱՆ ՄԻՋՈՑԱՌՈՒՄՆԵՐԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

Դիլիջան քաղաքի տարածքում` Աղստև գետի հունի մաքրման ու ափերի ամրացման նպատակով և «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության 2006 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից Հայաստանի Հանրապետության գյուղատնտեսության նախարարությանը հատկացնել 80000,0 հազ. դրամ (77600,0 հազ. դրամ` բյուջետային ծախսերի տնտեսագիտական դասակարգման «Կապիտալ նորոգումների ծախսեր» հոդվածով, և 2400,0 հազ. դրամ` «Նախագծահետազոտական ծախսեր» հոդվածով):

2. Սահմանել, որ սույն որոշման 1-ին կետում նշված աշխատանքների գնումները կիրականացվեն մեկ անձից գնում կատարելու ձևով:

Հայաստանի Հանրապետության

վարչապետ Ա. Մարգարյան

2006 թ. մայիսի 4

Երևան