«Վավերացնում եմ»
Հայաստանի Հանրապետության
Նախագահ Ռ. Քոչարյան
4 մարտի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
23 փետրվարի 2006 թվականի N 210-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ մասին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության քաղաքացի Սեդա Կարապետյանին (անձնագիր` N AB 0410047, տրված` 014-ի կողմից, 09.12.1996 թ., հասցեն` քաղ. Երևան, Բաբաջանյան 83 շ., բն. 24)` որպես կերակրողին կորցնելու կապակցությամբ կրած վնասի հատուցում` 2006 թվականի ընթացքում յուրաքանչյուր ամիս 91.36 հազ. դրամ վճարումներն ապահովելու նպատակով Հայաստանի Հանրապետության ֆինանսների և էկոնոմիկայի նախարարությանը հատկացնել 1096.32 հազ. դրամ` Հայաստանի Հանրապետության 2006 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Ընթացիկ ներքին այլ տրանսֆերտային վճարներ» հոդվածով):
2. Հայաստանի Հանրապետության ֆինանսների և էկոնոմիկայի նախարարին` սույն որոշման 1-ին կետում նշված վճարումներն իրականացնել`
ա) մինչև սույն որոշումն ուժի մեջ մտնելու ամսվան նախորդող` 2006 թվականի անցած ամիսների, ինչպես նաև ուժի մեջ մտնելու ամսվա համար` մեկ մուծմամբ այդ ժամանակահատվածին համապատասխանող գումարի չափով.
բ) սույն որոշումն ուժի մեջ մտնելու ամսվան հաջորդող ամիսների համար` յուրաքանչյուր ամիս` հավասարաչափ.
գ) Հայաստանի Հանրապետության ֆինանսների և էկոնոմիկայի նախարարության անվանմամբ բացված գանձապետական հաշվից միջոցների ելքագրման և Հայաստանի Հանրապետության քաղաքացի Սեդա Կարապետյանի կողմից գրավոր ներկայացված բանկային հաշվին ուղղակի փոխանցման միջոցով` առանց լրացուցիչ հիմնավորող փաստաթղթեր ներկայացնելու:
Հայաստանի Հանրապետության
վարչապետ Ա. Մարգարյան
2006 թ. փետրվարի 27
Երևան