ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՇԵՆՔ ՀԱՆՁՆԵԼՈՒ ՄԱՍԻՆ

040.0527.24.11.97

«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Լ. ՏԵՐ-ՊԵՏՐՈՍՅԱՆ

24 նոյեմբերի 1997 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 նոյեմբերի 1997 թվականի N 527

քաղ. Երևան

ՇԵՆՔ ՀԱՆՁՆԵԼՈՒ ՄԱՍԻՆ

(վերնագիրը խմբ. 18.07.98 N 466)

Հաշմանդամների մասնագիտական ուսուցման, մարզական և հանգստի կենտրոն ստեղծելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության մշակույթի, երիտասարդության հարցերի և սպորտի նախարարության «Հրազդան» մարզահամալիր» պետական ձեռնարկության երկհարկանի անավարտ շենքը սեփականության իրավունքով անհատույց հանձնել հաշմանդամների «Փյունիկ» միությանը:

(1-ին կետը փոփ. 18.07.98 N 466)

2. Հայաստանի Հանրապետության մշակույթի, երիտասարդության հարցերի և սպորտի նախարարությանը`

ա) մեկամսյա ժամկետում հաշմանդամների «Փյունիկ» միության հետ համատեղ ապահովել նշված շենքի սահմանված կարգով հանձնման-ընդունման աշխատանքները.

բ) երկամսյա ժամկետում Երևանի քաղաքապետարանի հետ ճշտել նշված շենքի սպասարկման համար անհրաժեշտ հողամասի սահմաններն ու տալ համապատասխան ձևակերպում:

գ) մեկամսյա ժամկետում հաշմանդամների «Փյունիկ» միության հետ համատեղ Հայաստանի Հանրապետության օրենսդրությամբ սահմանված կարգով կնքել համապատասխան պայմանագիրը ընդգրկելով նաև շենքի վերակառուցման համար անհրաժեշտ միջոցների չափը, ֆինանսավորման աղբյուրները, շենքի նպատակային օգտագործման և հաշմանդամների «Փյունիկ» միության լուծարման դեպքում դրա` որպես պետական սեփականություն, հետ վերադարձման մասին պայմանները:

(2-րդ կետը փոփ., լրաց. 18.07.98 N 466)

3. Սույն որոշումն ուժի մեջ է մտնում 1997 թվականի նոյեմբերի 24-ից:

Հայաստանի Հանրապետության

վարչապետ Ռ. Քոչարյան