ՀՀ ՆԱԽԱԳԱՀԻ ՀՐԱՄԱՆԱԳԻՐԸ ՀՀ ՆԱԽԱԳԱՀԻՆ ԱՌԸՆԹԵՐ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՀԱՐՑԵՐԻ ՀԱՆՁՆԱԺՈՂՈՎԻ ՆԱԽԱԳԱՀԻ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻՆ ԱՌԸՆԹԵՐ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՀԱՐՑԵՐԻ ՀԱՆՁՆԱԺՈՂՈՎԻ ՆԱԽԱԳԱՀԻ ՄԱՍԻՆ

Հայաստանի Հանրապետության Նախագահի 2001 թվականի հունվարի 17-ի «Հայաստանի Հանրապետության Նախագահին առընթեր տեղական ինքնակառավարման հարցերի հանձնաժողովի նոր կազմի մասին» ՆՀ-793 հրամանագրի (2001 թվականի օգոստոսի 14-ի ՆՀ-915 և 2003 թվականի հունվարի 13-ի ՆՀ-1263-Ա հրամանագրերի խմբագրությամբ) առաջին կետով հաստատված Հայաստանի Հանրապետության Նախագահին առընթեր տեղական ինքնակառավարման հարցերի հանձնաժողովի կազմում կատարել հետևյալ փոփոխությունը`

1. Հայաստանի Հանրապետության Նախագահի առաջին օգնական Արմեն ԳԵՎՈՐԳՅԱՆԻՆ ազատել Հայաստանի Հանրապետության Նախագահին առընթեր տեղական ինքնակառավարման հարցերի հանձնաժողովի նախագահի պարտականություններից:

2. Հայաստանի Հանրապետության Նախագահի խորհրդական Սեյրան ԱՎԱԳՅԱՆԻՆ նշանակել Հայաստանի Հանրապետության Նախագահին առընթեր տեղական ինքնակառավարման հարցերի հանձնաժողովի նախագահ:

Հայաստանի Հանրապետության

Նախագահ Ռ. Քոչարյան

2003 թ. նոյեմբերի 11

Երևան

ՆՀ-177-Ա