ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՊԵՏԱԿԱՆ ՀԻՄՆԱՐԿՆԵՐԻ, ԿԱԶՄԱԿԵՐՊՈՒԹՅՈՒՆՆԵՐԻ ԼՈՒԾԱՐՄԱՆ ԵՎ (ԿԱՄ) ՄԱՍՆԱՎՈՐԵՑՄԱՆ (ՍԵՓԱԿԱՆԱՇՆՈՐՀՄԱՆ) ԴԵՊՔՈՒՄ ՀԱՅԱՍՏԱՆԻ ԱԶԳԱՅԻՆ ԱՐԽԻՎԱՅԻՆ ՖՈՆԴԻ ՓԱՍՏԱԹՂԹԵՐԸ ՊԵՏԱԿԱՆ ԱՐԽԻՎՆԵՐ ՀԱՆՁՆԵԼՈՒ ԿԱՐԳԻ ՄԱՍԻՆ

040.0573.18.09.98

«Վավերացնում եմ»

Հայաստանի Հանրապետության

Նախագահ Ռ. Քոչարյան

18 սեպտեմբերի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 սեպտեմբերի 1998 թվականի N 573

քաղ. Երևան

ՊԵՏԱԿԱՆ ՀԻՄՆԱՐԿՆԵՐԻ, ԿԱԶՄԱԿԵՐՊՈՒԹՅՈՒՆՆԵՐԻ ԼՈՒԾԱՐՄԱՆ ԵՎ (ԿԱՄ) ՄԱՍՆԱՎՈՐԵՑՄԱՆ (ՍԵՓԱԿԱՆԱՇՆՈՐՀՄԱՆ) ԴԵՊՔՈՒՄ ՀԱՅԱՍՏԱՆԻ ԱԶԳԱՅԻՆ ԱՐԽԻՎԱՅԻՆ ՖՈՆԴԻ ՓԱՍՏԱԹՂԹԵՐԸ ՊԵՏԱԿԱՆ ԱՐԽԻՎՆԵՐ ՀԱՆՁՆԵԼՈՒ ԿԱՐԳԻ ՄԱՍԻՆ

(վերնագիրը փոփ. 13.06.02 N 847-Ն)

«Հայաստանի ազգային արխիվային ֆոնդի մասին» Հայաստանի Հանրապետության օրենքի 4 հոդվածին համապատասխան Հայաստանի Հանրապետության կառավարությունը որոշում է.

Հաստատել պետական հիմնարկների, կազմակերպությունների լուծարման և (կամ) մասնավորեցման (սեփականաշնորհման) դեպքում Հայաստանի ազգային արխիվային ֆոնդի փաստաթղթերը պետական արխիվներ հանձնելու կարգը (կցվում է):

Հայաստանի Հանրապետության

վարչապետ Ա. Դարբինյան

Հաստատված է

ՀՀ կառավարության 1998 թվականի սեպտեմբերի 18-ի N 573 որոշմամբ

Կ Ա Ր Գ

ՊԵՏԱԿԱՆ ՀԻՄՆԱՐԿՆԵՐԻ ԿԱԶՄԱԿԵՐՊՈՒԹՅՈՒՆՆԵՐԻ ԼՈՒԾԱՐՄԱՆ ԵՎ (ԿԱՄ) ՄԱՍՆԱՎՈՐԵՑՄԱՆ (ՍԵՓԱԿԱՆԱՇՆՈՐՀՄԱՆ) ԴԵՊՔՈՒՄ ՀԱՅԱՍՏԱՆԻ ԱԶԳԱՅԻՆ ԱՐԽԻՎԱՅԻՆ ՖՈՆԴԻ ՓԱՍՏԱԹՂԹԵՐԸ ՊԵՏԱԿԱՆ ԱՐԽԻՎՆԵՐ ՀԱՆՁՆԵԼՈՒ

(վերնագիրը փոփ. 13.06.02 N 847-Ն)

1. Պետական հիմնարկների, կազմակերպությունների (այսուհետև` կազմակերպություն) լուծարման դեպքում լուծարքային հանձնաժողովը պարտավոր է սահմանված ժամկետում ապահովել մինչև լուծարման օրը կազմակերպության գործունեությամբ առաջացած փաստաթղթերի կարգավորման աշխատանքների իրականացումը:

Փաստաթղթերի կարգավորման ավարտից հետո հանձնվում են`

ա) Հայաստանի ազգային արխիվային ֆոնդի փաստաթղթերը համապատասխան պետական արխիվ.

բ) անձնակազմի վերաբերյալ և գործավարությամբ չավարտված գործերն ու ժամանակավոր պահպանման ենթակա փաստաթղթերը վերադաս մարմնի արխիվ, իսկ վերադաս մարմնի բացակայության դեպքում` տեղական ինքնակառավարման մարմնի արխիվ կամ համապատասխան պետական արխիվ:

(1-ին կետը լրաց., փոփ. 13.06.02 N 847-Ն)

2. Կազմակերպության մասնավորեցման (սեփականաշնորհման) դեպքում համապատասխան պետական կառավարման մարմինը պարտավոր է սահմանված ժամկետում ապահովել մինչև մասնավորեցումը (սեփականաշնորհումը) կազմակերպության գործունեությամբ առաջացած փաստաթղթերի կարգավորման աշխատանքների իրականացումը:

Փաստաթղթերի կարգավորման ավարտից հետո հանձնվում են`

ա) Հայաստանի ազգային արխիվային ֆոնդի փաստաթղթերը` համապատասխան պետական արխիվ.

բ) անձնակազմի վերաբերյալ և գործավարությամբ չավարտված գործերն ու ժամանակավոր պահպանման ենթակա փաստաթղթերը` իրավահաջորդին (մասնավորեցված (սեփականաշնորհված) կազմակերպությանը):

(որոշումը փոփ., լրաց. 13.06.02 N 847-Ն)