«Գրանցված է»
ՀՀ արդարադատության
նախարարության կողմից
13 փետրվարի 2007 թ.
Պետական գրանցման թիվ 60607045
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ
1 փետրվարի 2007 թ.
ք. Երևան N 11-Ն
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎԻ 2005 ԹՎԱԿԱՆԻ ՀՈՒՆԻՍԻ 22-Ի N 21-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասով, Հայաստանի Հանրապետության կենտրոնական ընտրական հանձնաժողովը որոշում է.
1. Հայաստանի Հանրապետության կենտրոնական ընտրական հանձնաժողովի 2005 թվականի հունիսի 22-ի «Չօգտագործված, ընտրողի կողմից ոչ ճիշտ լրացված և հետ վերադարձված քվեաթերթիկները մարելու, մարված, տեսակավորված և հաշվարկված քվեաթերթիկները, քվեաթերթիկների ելունդները և ընտրողների ցուցակները փաթեթավորելու կարգը սահմանելու մասին» N 21-Ն որոշման և որոշմամբ սահմանված թիվ 1 հավելվածի վերնագրերն ու որոշման 1-ին կետը «չօգտագործված» բառից առաջ լրացնել «չօգտագործված քվեարկության ծրարները,» բառերով, իսկ «հաշվարկված քվեաթերթիկները» բառերից հետո` «քվեարկության ծրարները,» բառերով:
2. Որոշմամբ սահմանված թիվ 1 հավելվածը`
ա) լրացնել հետևյալ բովանդակությամբ նոր 2.1 կետով`
«2.1. Չօգտագործված քվեարկության ծրարները մարվում են դրանք որևէ անկյունից կտրելու միջոցով և փաթեթավորվում առանձին փաթեթում:».
բ) 5-րդ կետը «վճիռներով» բառից հետո լրացնել «և լիազոր մարմնի համապատասխան ստորաբաժանման տեղեկանքներով» բառերով.
գ) 6-րդ կետը «(ծրարներում)» բառից հետո լրացնել «, իսկ քվեարկության ծրարները` առանձին փաթեթում» բառերով:
ՀՀ կենտրոնական ընտրական
հանձնաժողովի նախագահ՝ Գ. Ազարյան