ՀՀ ԿԱՌԱՎԱՐՈՒԹՅԱՆՆ ԱՌԸՆԹԵՐ ՄԱՔՍԱՅԻՆ ՊԵՏԱԿԱՆ ԿՈՄԻՏԵԻ ՀՐԱՄԱՆԸ «ՍԼԱՎ ԳՐՈՒՊ» ՓԲԸ ՓԱԿ ՄԱՔՍԱՅԻՆ ՊԱՀԵՍՏՈՒՄ ՄԱՔՍԱՅԻՆ ՀՍԿՈՂՈՒԹՅԱՆ ՆԵՐՔՈ ԱՊՐԱՆՔՆԵՐԻ ՊԱՀՊԱՆՈՒԹՅԱՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱ ՏՐԱՄԱԴՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ

ՄԱՔՍԱՅԻՆ ՊԵՏԱԿԱՆ ԿՈՄԻՏԵ

19 մարտի 2007 թ.

ք. Երևան N 40-Ա

Հ Ր Ա Մ Ա Ն

«Սլավ Գրուպ» ՓԲԸ փակ մաքսային պահեստում մաքսային հսկողության ներքո ապրանքների պահպանության գործունեության լիցենզիա տրամադրելու մասին

Առաջնորդվելով «Լիցենզավորման մասին» ՀՀ օրենքի 8-րդ հոդվածի 2-րդ կետով, 9-րդ հոդվածի 1-ին կետով, 43-րդ հոդվածի 2-րդ կետի 11-րդ բաժնի 1-ին ենթակետով, ՀՀ մաքսային օրենսգրքի 59-րդ հոդվածի 1-ին և 3-րդ կետերով, ՀՀ կառավարության 22.06.2002 թ. թիվ 844 որոշմամբ հաստատված «Մաքսային պահեստում մաքսային հսկողության ներքո և ազատ մաքսային պահեստում ապրանքների պահպանության գործունեությունների լիցենզավորման կարգի» 3-րդ կետով.

ՀՐԱՄԱՅՈՒՄ ԵՄ`

1. Հիմք ընդունելով ՀՀ ԿԱ մաքսային պետական կոմիտեի մաքսային գործի լիցենզավորման հանձնաժողովի 12.03.07թ. նիստի արձանագրությունը և հանձնաժողովի եզրակացությունը, բավարարել «Սլավ Գրուպ» ՓԲ ընկերության 06.03.07թ. գրությամբ ներկայացված փակ մաքսային պահեստում մաքսային հսկողության ներքո ապրանքների պահպանության գործունեության լիցենզիայի հայտը և «Սլավ Գրուպ» ՓԲ ընկերությանը տրամադրել փակ մաքսային պահեստում մաքսային հսկողության ներքո ապրանքների պահպանության գործունեության լիցենզիա` ք. Երևան, Հաղթանակի 1 փ. թիվ 1/1 հասցեում:

2. Արարատյան տարածաշրջանային մաքսատան պետին`

«Դերժավա-Ս» ՓԲԸ, ՀՎՀՀ 02500028

«Կոնվեկտ» ՓԲԸ, ՀՎՀՀ 02567479

«Սլավ Ֆուդ Ինտերնեյշնլ» ՓԲԸ, ՀՎՀՀ 00090959

ընկերությունների «ներմուծում մաքսային պահեստ» մաքսային ռեժիմով հայտարարագրված ապրանքները` պահպանության պայմանների ապահովման դեպքում թույլատրել պահպանելու «Սլավ Գրուպ» ՓԲԸ մաքսային պահեստում:

Նախագահ` Ա. Ավետիսյան