Հոդված 8. Ավտոմոբիլային ճանապարհների շինարարության, նորոգման և պահպանման ֆինանսավորումը
Հոդված 8. Ավտոմոբիլային ճանապարհների շինարարության, նորոգման և պահպանման ֆինանսավորումը
Ընդհանուր օգտագործման պետական ավտոմոբիլային ճանապարհների նախագծման, շինարարության, նորոգման և պահպանման ֆինանսավորումն իրականացվում է Հայաստանի Հանրապետության օրենսդրությանը համապատասխան` Հայաստանի Հանրապետության պետական բյուջեի միջոցների հաշվին:
Ֆինանսավորման համար հիմք են հանդիսանում Հայաստանի Հանրապետության կառավարության կողմից հաստատված «Հայաստանի Հանրապետության ընդհանուր օգտագործման պետական ավտոմոբիլային ճանապարհների նախագծման, շինարարության, նորոգման և պահպանման ֆինանսական նորմերը»:
Ընդհանուր օգտագործման ոչ պետական ավտոմոբիլային ճանապարհների և ոչ ընդհանուր օգտագործման ավտոմոբիլային ճանապարհների շինարարությունը, նորոգումը և պահպանումը ֆինանսավորվում է դրանց սեփականատերերի միջոցների հաշվին: